12:35 18 օգոստոսի 2017
Ուղիղ եթեր
Машшины

Վարորդների գրպանն են մտնում անհավասար պայմաններում

© Sputnik/ Асатур Есаянц
Հայաստան
Ստանալ կարճ հղումը
60 0 0

Արսեն Հակոբյանը բազմամյա փորձով վարորդ է: Եվ հաշվել է` միայն վերջին տարիներին այն պահից սկսած, երբ Երևանում հայտնվեցին առաջին տեսախցիկները, արդեն 2 մլն դրամի տուգանք է վճարել:

ԵՐԵՎԱՆ, 4 մարտի — Sputnik. Արսեն Հակոբյանը 2 տարի առաջ ստացված 5000 դրամի տուգանքը չի վճարել ու պնդում է, որ չի էլ վճարելու, քանի դեռ ոստիկանությունը չի ներկայացրել դրա իրավական հիմնավորումը:

«ԴԱՀԿ-ից ստացել եմ տուգանքի մասին տեղեկանքը: Պահանջել եմ, հիմք չեն ներկայացրել, թե ինչի հիման վրա պիտի վճարեմ: Ես ուղղակի ԴԱՀԿ-ի նամակի հիման վրա պիտի մուծե՞մ այդ գումարը: Այ այդպես էլ մինչև հիմա մնացել է չմուծված»,- մեզ հետ զրույցում, ցույց տալով 2014թ-ին ստացած նամակը, ասաց Արսեն Հակոբյանը՝ վստահեցնելով, որ պատրաստ է մինչև վերջ պայքարել անհիմն տուգանքի վճարման պահանջի դեմ:

Տուգանքների հիմնավորվածությունից զատ վարորդներին անհանգստացնում են նաև դրանց չափերը:

«Ո՞վ է լսել նման բան՝ 100 հազար դրամ տուգանք՝ 60 հազար դրամ աշխատավարձի դեպքում: Այսինքն՝ ես 40 հազար էլ պիտի պարտք անեմ, որ կարողանամ այդ տուգանքը վճարե՞լ»,- այսօր հրավիրված մամուլի ասուլիսում հայտարարեց «Դուրս մեր գրպանից» նախաձեռնության անդամ Արթուր Կռոյանը:

Նախաձեռնությունը համոզված է, որ բացի տուգանքներով զբաղվող Ոստիկանությունից ու դատական ակտերի հարկադիր կատարման ծառայությունից, վարորդների գրպանն են մտել նաև ապահովագրական ընկերություններն ու Տրանսպորտի նախարարությունը:

Վերջինը, կազմակերպության անդամների համոզմամբ, հատկապես տաքսիստների գրպանն է մտել՝ պետական տուրքերի չփաստարկված չափեր սահմանելով: Բանն այն է, որ Երևանում տաքսի ավտոմեքենա վարելու համար վարորդները ամսական 12 000 դրամ են վճարում, գյուղական բնակավայրերում՝ 5 000, իսկ մարզկենտրոններում՝ 8 000 դրամ:

«Երևան քաղաքի տաքսու վարորդը ինչո՞ւ է 12 000 դրամ վճարում, ինչո՞ւ են անհավասար պայմաններ ստեղծվում»,- հարցնում է «Դուրս մեր գրպանից» նախաձեռնության անդամ Արսեն Պետրոսյանը՝ ավելացնելով, որ դեռևս 1 տարի առաջ առաջարկել են հավասար պայմաններ սահմանել բոլորի համար՝ միաժամանակ նվազեցնելով տուրքի չափը, բայց անարդյունք:

«Մենք առաջարկում ենք 5000 դրամ և բոլոր տաքսու վարորդների համար՝ թե՛ գյուղական համայնքի և թե՛ Երևանի համար»,- նշեց Արսեն Պետրոսյանը՝ համոզմունք հայտնելով, որ դրանով կլուծվի նաև անհատ տաքսիստների` օրեր առաջ բարձրացրած խնդիրը։

Հիշեցնենք, որ տաքսիստները պահանջում են խիստ հսկողություն սահմանել չլիցենզավորված տաքսիների նկատմամբ և արգելել նրանց աշխատել անօրինական հիմունքներով՝ վնասելով օրինական դաշտում աշխատողներին:

 

Գլխավոր թեմաներ