17:53 23 օգոստոսի 2017
Ուղիղ եթեր
Руководитель Центра кризисного управления Оганес Хангелдян

Այսօրվա 17 երկրաշարժն ամենազգայուն կենդանին էլ չէր զգա

Асатур Есаянц
Հայաստան
Ստանալ կարճ հղումը
15 0 0

Հայ մասնագետները վստահեցնում են, որ այսօր Հայաստանում գրանցված 17 երկրաշարժերն այնքան թույլ են եղել, որ մարդն այն զգալ չէր կարող

ԵՐԵՎԱՆ, 4 մարտի — Sputnik. Այսօր Հայաստանում միանգամից 17 երկրաշարժ է գրանցվել։ ՀՀ ԱԻՆ ճգնաժամային կառավարման ազգային կենտրոնի պետ, գնդապետ Հովհաննես Խանգելդյանը Sputnik Արմենիայի հետ զրույցում նշեց, որ ցնցումները շատ թույլ են եղել։

«Մենք երկուսուկես մագնիտուդից բարձր երկրաշարժն ենք զգում։ Փոքր ցնցումներ լինում են անգամ հարթավայրերում։ Այդ ցնցումները շատ փոքր են, որ մարդն զգա, նույնիսկ ամենազգայուն կենդանին էլ հազիվ թե զգար»,- ասաց Խանգելդյանը։

Նրա խոսքով` Սպիտակի երկրաշարժից հետո մի քանի տարվա ընթացքում 10 հազար հետցնցում է գրանցվել։

«Դա վտանգավոր չէ, նույնիսկ առողջարար է երկրագնդի համար, քանի որ լիցքաթափվում են լարվածությունները։ Այդպիսի երկրաշարժերը որքան շատ լինեն, ընդերքային լարվածությունն ավելի քիչ կկուտակվի»,- ասաց Խանգելդյանը։

Նա նշեց, որ Հայաստանում վերջերս շատ քիչ է երկրաշարժ գրանցվում։

«Աստված տա` ընդհանրապես չլինի։ Անհանգստանալու պատճառ չկա։ Երկրագունդն ամբողջությամբ կենդանի մարմին է, և տարբեր հատվածներում անընդհատ ցնցումներ են լինում, դա Երկրի շունչն է»,- եզրափակեց Խանգելդյանը։

Մարտի 4-ին ժամը 11.03-ից մինչև ժամը 13.24-ը 17 երկրաշարժ է գրանցվել Գավառ քաղաքից 16 կմ դեպի հարավ-արևմուտք։ Ստորգետնյա ցնցման ուժգնությունը էպիկենտրոնում կազմել է 1-2 բալ:

 

Գլխավոր թեմաներ