06:42 21 օգոստոսի 2017
Ուղիղ եթեր
Пресс-конференция фигуриста Евгения Плющенко в Ереване

Պրոդյուսեր. վալերիանայի կոճակներով եկեք «Սառույցի արքաները» շոուին

© Sputnik/ Асатур Есаянц
Հայաստան
Ստանալ կարճ հղումը
17830

«Սառույցի արքաները» շոուի պրոդյուսեր Արի Զաքարյանը կեսկատակ, կեսլուրջ խորհուրդ է տալիս վալերիանայի կոճակներով ներկայանալ մարտի 5–ին կայանալիք «Սառույցի արքաները» շոուին, քանի որ այն ցնցող է լինելու

ԵՐԵՎԱՆ, 4 մարտի-Sputnik. Գոհար Սարգսյան. Օլիմպիական չեմպիոն Եվգենի Պլյուշչենկոյի մասնակցությամբ երևանյան շոու-ծրագիրը որակյալ երաժշտություն ու էքստրեմալ գեղասահք է խոստանում։ Անվանի գեղասահորդը մեծ սիրով է ներկայանում հայ հանդիսատեսին, քանի որ հասցրել է սիրել նրան։ Ի դեպ, նրա մտքից դուրս չի գալիս հայ հանդիսատեսի համար ունեցած ելույթներից մեկը, երբ երկու կին հուզմունքից լաց եղան։ Մասնագիտական պրակտիկայում նման բան Պլյուշչենկոն երբևէ չէր տեսել։

«Նման դեպքերը մեծ շարժառիթ են հետագայում նոր ձեռքբերումներ ունենալու ու նորն արարելու համար»,-ասաց գեղասահորդը։

Այսօր Պլյուշչենկոն ուրախ է, որ Երևանում կա միջազգային չափանիշներին համապատասխան սահադաշտ, որի միջոցով նա կօգնի հայ փոքրիկ գեղասահորդներին կատարելագործվելու ընտրած ճանապարհին։

Фигурист Евгений Плющенко в Ереване
© Sputnik/ Асатур Есаянц
Եվգենի Պլյուշչենկո

«Ես պատրաստ եմ օգնել, սեմինարներ կազմակերպել հայտնի գեղասահորդների հետ ու ինքս էլ տալ վարպետության դասեր։ Մենք բաց ենք երկխոսության համար»,-ասաց Պլյուշչենկոն։

7 տարի առաջ Եվգենի Պլյուշչենկոյի մոտ միտք էր առաջացել Երևանում ստեղծել գեղասահքի դպրոց, ու որպես դրա համար հարմար տարածք ընտրել էր Մարզահամերգային համալիրը։

«Համալիրում տարբեր միջոցառումներ ու համերգներ են անցկացվում։ Չէի կարող այնտեղ ստեղծել գեղասահքի դպրոց, քանի որ այդ պարագայում պետք է այնտեղ շուրջօրյա սառույց լիներ ակտիվ մարզումների համար»,-ասաց մարզիկը։

Իսկ որպես հավելում` նրա մենեջեր Արի Զաքարյանը հռետորական հարցադրում արեց.

«Գիտե՞ք ինչ արժե այնտեղ գազն ու լույսը։ Այն թիվը, որ ինձ ասել են, ամենաթանկ սպորտային պալատն է»։

Եվգենի Պլյուշչենկոն պատասխանեց նաև այն հարցին, թե արդյոք մասնակցելու է 2016 թվականի Օլիմպիական խաղերին։ Նա ասաց, որ դեռ պետք է առողջական վիճակի մասին մտածի ու վերականգնվի։ Իսկ երբ ցանկություն ունենա ներկայանալու, հանդիսատեսը նրան կտեսնի լավ մարզավիճակում։

Արի Զաքարյանը վստահեցնում է, որ նա աշխարհում միակ գեղասահորդն է, ով 20 տարի ոլորտում լինելով, «ընկնել-բարձրանալով»`միևնույն է` շարունակում է մնալ բարձունքում։

Фигурист Евгений Плющенко в Ереване
© Sputnik/ Асатур Есаянц
Եվգենի Պլյուշչենկո

Գլխավոր թեմաներ