11:24 22 օգոստոսի 2017
Ուղիղ եթեր
Город Ереван

Երևանը` Եվրոպայի հնագույն քաղաքների ցուցակում

© Yannarthusbertrand2
Հայաստան
Ստանալ կարճ հղումը
13810

The Telegraph բրիտանական թերթը կազմել է Եվրոպայի ամենահին քաղաքների վարկանիշը, որոնց շարքում է ընդգրկվել նաև Երևանը

ԵՐԵՎԱՆ, 4 մարտի- Sputnik, Լուսինե Ադամյան. Մերձավոր Արևելքի հնագույն քաղաքներից շատերը փակ են զբոսաշրջիկների համար, իսկ Երևանն անչափ հասանելի է այդ առումով:

The Telegraph-ը գրում է, որ Հայաստանը բազմաթիվ ասպատակությունների է ենթարկվել. տարբեր ժամանակաշրջաններում երկրի տարածքը պատկանել է ասորիներին, հռոմեացիներին, բյուզանդացիներին, պարսիկներին, արաբներին, սելջուկներին, մոնղոլներին և թուրքերին:

«Թեև Հռոմը մոլորակի ամենահին քաղաքներից մեկն է համարվում, սակայն Հայաստանի մայրաքաղաքը՝ Երևանը, 30 տարով մեծ է Հռոմից»,- գրում է թերթը:

1991թ.-ին անկախություն ձեռք բերելուց առաջ Հայաստանը Խորհրդային Միության կազմում է եղել շուրջ 80 տարի։ Այնուամենայնիվ ինչպես այդ տարիներին, այնպես էլ վերջին 25 տարում Երևանը եղել և մնում է Հայաստանի մայրաքաղաքը:

Էրեբունի ամրոցը, որի հիմնադրումից էլ սկիզբ է առնում Երևանի պատմությունը, մինչև այսօր գտնվում է ժամանակակից քաղաքի ծայրամասում: Էրեբունին պատվավոր տեղ է զբաղեցնում Forbes-ի«Աշխարհի ամենահին 9 ամրոցները» վարկանիշում: Ամրոցը կառուցվել է Ուրարտուի թագավորության բարգավաճման շրջանում՝ մ.թ.ա. 782 թ.-ին: Սակայն քչերն են այցելում այնտեղ:

«Դժբախտաբար շատ եվրոպացիներ նույնիսկ չգիտեն Հայաստանի գոյության մասին: Այն, որ Հայաստանը հնագույն և անվտանգ երկիր է, նրանց համար նորություն է»,- Sputnik Արմենիայի հետ զրույցում ասաց ներգնա զբոսաշրջության և ալպինիզմի հարցերի փորձագետ Աշոտ Լևոնյանը:

Շատ զբոսաշրջիկներ ժամանում են Հայաստան, տեղում ծանոթանում մեր պետության դարավոր մշակույթին ու քրիստոնեական պատմությանը: Հայաստանը համեմատաբար լավ գիտեն իտալացիները, որոնք գալիս են հայկական եկեղեցիներն ու ճարտարապետական հուշարձանները տեսնելու նպատակով:

«Հայաստանը ճանաչված դարձնելու գործընթացը պետք է անցկացվի պետության կողմից, քանի որ զբոսաշրջային ոչ մի ընկերություն չունի այն հնարավորությունները, որոնք ունի իշխանությունը»,- կարծում է Լևոնյանը:

Փորձագետի խոսքով՝ նախկին ԽՍՀՄ-ի երկրներում դեռ հիշում են Հայաստանի գոյության մասին, սակայն երիտասարդներն առանձնապես չեն ձգտում այցելել ԱՊՀ երկրներ։

The Telegraph-ի ցուցակում են ընդգրկվել նաև վրացական Մցխեթի և Քութայիսի քաղաքները: Հնագույն քաղաքների քանակությամբ ռեկորդ է սահմանել Հունաստանը. վարկանիշի գրեթե կեսը զբաղեցնում են հունական քաղաքները:

 

 

Գլխավոր թեմաներ