10:22 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Авторынок

Ավտոներկրողներն օրենքի հեղինակներին հրավիրում են ավտոշուկա

© Autopapa
Հայաստան
Ստանալ կարճ հղումը
414 0 0

Ավտոներկրողներն «Ավելացված արժեքի հարկի մասին» օրենքում փոփոխություններ կատարելու մասին օրինագծի հեղինակներին՝ կառավարության անդամներին, հրավիրում են երևանյան ավտոշուկա՝ առերեսվելու այն անձանց հետ, որոնց շահերը նախագիծը չի պաշտպանելու

ԵՐԵՎԱՆ, 16 մարտի — Sputnik. Թոշակառու Կամո Մարությանն իր ավտոմեքենան Հայաստան է ներկրել ոչ վաճառքի նպատակով, բայց սոցիալական խնդիրների պատճառով ստիպված է եղել վաճառել այն: Սոցիալական խնդիրները լուծվել են, բայց առաջացել են նորերը, այս անգամ` հարկային տեսչության հետ:

«Գործ կազմեցին վրաս, թե բերել ես, վաճառել ես: 5 մլն դրամով վաճառել էի ու անկեղծ գրել էի: Իրենք 3 մլն դրամի տույժ ու տուգանք գրեցին վրաս»,- պատմում է Կամո Մարությանը:

Հարուցվեց քրեական գործ, Կամո Մարությանը մեղադրվեց ապօրինի ձեռնարկատիրության համար: Բարեբախտաբար, հետագա դատական գործընթացը ցույց տվեց, որ հարկային տեսչության պահանջն է ապօրինի եղել:

«Դատարանը որոշեց, որ ես վճարել եմ ավելացրած արժեքի հարկը: Ճիշտ է` այն գոյանում է վաճառքից հետո, բայց դատարանը գտավ, որ ես այն արդեն վճարել եմ սահմանի վրա, մաքսազերծման ժամանակ»,- ասում է Կամո Մարությանը:

Երևանցի թոշակառուն միակը չէ, որ բախվել է այս խնդրին: Հայաստանում բազմաթիվ մարդիկ կան, ովքեր ավտոմեքենաների ներկրմամբ ու վերավաճառքով են հոգում իրենց ընտանիքների ապրուստը:

Ավտոներկրողների միության նախագահ Տիգրան Հովհաննիսյանի խոսքով` մեկ տարվա ընթացքում երկրորդ ավտոմեքենան վաճառող քաղաքացուն պետությունը որպես հանցագործի է դիտարկում՝ նրան մեղադրելով ապօրինի ձեռնարկատիրության համար:

Բանն այն է, որ կառավարության առաջարկած օրինագծով, ԱԱՀ-ից ազատվում է միայն այն անձը, ով տարվա ընթացքում միայն մեկ ավտոմեքենա է ներկրում: Երկրորդի պարագայում արդեն ստիպված է լինելու վճարել: Ավտոներկրողներն իրենց այդ խնդրով դիմել են պետական տարբեր մարմինների, բայց ընդունելության չեն արժանացել: Ուստի Ավտոներկրողների միության նախագահ Տիգրան Հովհաննիսյանը կառավարության անդամներին հրավիրում է ավտոշուկա՝ իրենց ձայնը լսելու. «Եկեք, հասարակ ժողովրդին հարց տվեք՝ ինչպե՞ս անենք, որ դուք կայանաք այս երկրում, վաղը թոշակ ստանաք, ոչ թե քրեորեն պատժված ման գաք: Հազարավոր ավտոներկրողներ քրեական հոդվածի տակ են այսօր ապրում ու աշխատում»:

Հանրային կառավարման մասնագետ Կարեն Վարդանյանը, սակայն, ավտոներկրողների պահանջը յուրովի է մեկնաբանում.

«Սա ինձ վրա այն տպավորությունն է թողնում, որ եթե ես գնացել, հասել եմ Մոսկվա, գնել եմ մի ցենտներ կոնֆետ, բերել եմ հետս ու հանձնել ինչ-որ Փեթակ-Սուրմալուի, սա պիտի դիտվի, որ ես ինձ համար կոնֆետ եմ գնե՞լ: Հասկանալի է, որ այդպես չէ: Պիտի լինի հստակ տարանջատում: Մեկ բան է, որ դու ինչ-որ գործունեությամբ զբաղվում ես կյանքում մեկ անգամ կամ, լա՛վ, տարին մեկ անգամ, մեկ այլ բան է, եթե դու դրանով զբաղվում ես պարբերաբար, դա վերածել ես արհեստի և դրանով, ինչպես պարոն Հովհաննիսյանն ասաց, օրվա հաց ես վաստակում կամ ընտանիք պահում», — ասաց նա:

Ավտոներկրողների միության նախագահի տվյալով, այսօր մեր երկրում շուրջ 10 000 մարդ է զբաղվում ավտոմեքենաների ներկրմամբ ու վաճառքով: Եվ բոլորն էլ, ըստ Տիգրան Հովհաննիսյանի, պատրաստ են աշխատել հարկային դաշտում: Այլապես կգտնեն ԱԱՀ-ն վճարելուց խուսափելու տարբերակը:

«Ես կարող եմ հիմա բոլորիցդ խնդրել ձեր անձնագրերը, ապրիլի 1-ից, որպես ավտոներկրող, մեկնեմ Ռուսաստան և բոլորիդ անունով մեքենա ներկրեմ: Եթե ձեզ կանչեն քննչական մարմիններ, կասեք՝ այո՛, ինձ համար է բերել: Եվ ես դա կանեմ ապօրինի կերպով, ինչպես անում են հազարավոր մարդիկ»,- քննարկմանը ներկա լրագրողներին դիմելով՝ ասաց Տիգրան Հովհաննիսյանը:

Մամուլի ներկայացուցիչներին, սակայն, ավտոներկրողի այս առաջարկը չհետաքրքրեց: Բայց հետաքրքրեց ԱԺ տնտեսական հարցերի մշտական հանձնաժողովի փորձագետ Մարիամ Ավետիսյանին, ով վստահեցրեց, որ ԱԺ-ի կողմից առաջին ընթերցմամբ ընդունված օրինագծում նման սողանցքները բացառված են:

 

 

Գլխավոր թեմաներ