09:26 21 մայիսի 2018
Ուղիղ եթեր
Лекарственные препараты

Անվավեր ճանաչված դեղերն իրենց փոխարինողներն ունեն դեղատներում

© Asteria
Հայաստան
Ստանալ կարճ հղումը
43 0 0

Այսօր առողջապահության նախարարությունը հայտնել էր, որ ՀՀ–ում որոշ դեղեր անվավեր են ճանաչվել։ ՀՀ առողջապահության նախարարության դեղորայքային քաղաքականության բաժնի պետ Անահիտ Մկրտչյանը Sputnik Արմենիա ռադիոկայանի եթերում խոսեց դեղերի անվավեր ճանաչման պատճառների մասին

ԵՐԵՎԱՆ, 23 մարտի — Sputnik. Դեղի գրանցումը կարող է անվավեր ճանաչվել և շրջանառությունից հանվել արտադրող կազմակերպության դիմումի հիման վրա, ասաց ԱՆ դեղորայքային քաղաքականության բաժնի պետ Անահիտ Մկրտչյանը։

«ՀՀ-ում դեղերը կարող են անվավեր ճանաչվել, եթե արտադրողը գրություն է գրում իր դեղի շրջանառությունը դադարեցնելու և գրանցամատյանից հանելու համար»,- ասաց նա:

Ոլորտի պատասխանատուի խոսքով` առողջապահության նախարարության պաշտոնական կայքում նշված դեղերն էլ են անվավեր ճանաչվել` հիմք ընդունելով արտադրող ընկերություններից ներկայացրած գրությունները։

«Սա իրականացվել է կառավարության 347 որոշման 30-րդ կետի համաձայն, որում նշված է, որ դեղի գրանցումը կարող է անվավեր ճանաչվել և շրջանառությունը դադարեցվել արտադրող կազմակերպության դիմումի հիման վրա»,- ասաց Անահիտ Մկրտչյանը։

Նրա խոսքով` ներկայացված դեղերից մեկը հեպատիտ D-ի պատվաստուկ է, Տեմոդալ դեղը գլխի հակաուռուցքի ժամանակ են օգտագործում, ներարկման սրվակները գրանցվել են 2012 թվականին, բայց մինչև այսօր այդ դեղը Հայաստանի Հանրապետություն չի ներմուծվել, քանի որ դեղի պահանջարկը չկա, հաջորդ դեղը Կորվիտոլն է, որի ազդող նյութը մետոպրոլոլն է, օգտագործվում է սրտի առիթմիաների, սրտի հետ կապված տարբեր խնդիրների դեպքում։

«Մետոպրոլոլ նյութով բազմաթիվ այլ դեղեր կան գրանցված, այսինքն` Կորվիտոլ դեղը շրջանառությունից հանելու դեպքում չի նշանակում, որ այդ ազդող նյութով մյուս տեսակներն էլ են հանվում շրջանառությունից։ Նույնը վերաբերում է նաև Վալիում դեղին, որը հանգստացնող, ցավազրկող միջոց է, ազդող նյութը դիազեպամն է, և դեղը շրջանառությունից հանելով` դեղն ամբողջովին մեր երկրից չի վերանում, դեղատներում համարժեք բազմաթիվ փոխարինողներ կան»,- ասաց Անահիտ Մկրտչյանը` ավելացնելով, որ բոլոր նշված դեղերն իրենց համարժեք փոխարինողներ ունեն, որոնք արտադրվել են այլ երկրներում, առկա են նախարարության գրանցամատյանում և ներկրվում են մինչև այսօր։

Նշված դեղերը վաճառքից չեն հանվելու, ՀՀ-ում ներկա պահին եղած քանակը կշրջանառվի այնքան ժամանակ, մինչև դեղատներում կսպառվի։

«Դեղերը դեղատներից չի հանվի, որովհետև դեղի որակի հետ կապված խնդիրներ չկան»,- եզրափակեց Sputnik Արմենիայի զրուցակիցը։

 

 

Գլխավոր թեմաներ