23:36 17 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Կառավարության նիստ

Մարտի 1-ը զոհերի հիշատակի օր նշելու առաջարկը մերժվեց

© Sputnik / Асатур Есаянц
Հայաստան
Ստանալ կարճ հղումը
19 0 0

ԱԺ պատգամավորները հանդես էին եկել օրենսդրական նախաձեռնությամբ ու կառավարությանն առաջարկել էին փոփոխություններ կատարել «ՀՀ տոների և հիշատակի մասին» օրենքում, որպեսզի մարտի 1-ը նշվի որպես 2008թ.–ի մարտի 1-ի զոհերի հիշատակի և պետական ահաբեկչության ու բռնաճնշումների դեմ համազգային բողոքի օր

ԵՐԵՎԱՆ, 24 մարտի — Sputnik. Պատգամավորներ Լևոն Զուրաբյանի, Ստեփան Դեմիրճյանի, Արամ Մանուկյանի ու Գագիկ Ջհանգիրյանի ներկայացրած օրենքի նախագծի հիմնավորման մեջ ասված է. «Հարկ ենք համարում նշել, որ նախագիծը հիմնված է քաղաքական գնահատականների վրա»։

Նախագծի հիմնավորման համաձայն` թեև ֆորմալ առումով շարունակվում է Մարտի 1-ի սպանությունների գործով նախաքննությունը, սակայն, ըստ էության, դրանցով վարույթը կասեցված է և հանցագործների բացահայտմանն ուղղված քննչական գործողություններ, օպերատիվ հետախուզական միջոցառումներ փաստորեն չեն կատարվում։

Կառավարությունը մերժեց պատգամավորների առաջարկը։

Առաջարկը մերժելու հիմնավորումներից մեկն էլ այն է, թե նախագիծը հիմնված է քաղաքական գնահատականների վրա, այսինքն՝ նախագիծը քաղաքական գնահատական է տալիս իշխանությունների, դրա առանձին մարմինների աշխատանքին և արդյունքում առաջարկում է իրավական լուծում, որը սկզբունքորեն չի համապատասխանում այն օրենքի տրամաբանությանը, որում առաջարկվում է փոփոխություն կատարել:

2008 թվականի փետրվարի 19-ին Երևանում բողոքի ակցիաներ կազմակերպվեցին, որոնց ընթացքում ցուցարարները բողոքում էին նախագահական ընտրությունների ընթացքում նկատված խախտումների դեմ։ Մարտի 1-ին ոստիկանությունը սկսեց ցրել ցուցարարներին։ Բախումների հետևանքով տասնյակ մարդիկ զոհվեցին, հարյուրավորները` տարբեր աստիճանի վնասվածքներ ստացան։

 

Գլխավոր թեմաներ