22:32 20 հոկտեմբերի 2018
Ուղիղ եթեր
  • USD483.80
  • GBP630.39
  • EUR554.58
  • RUB7.37
Аэропорт Звартноц

Երևանի օդանավակայանում արտակարգ խորհրդակցություն է ընթանում

© Photo : Photolure
Հայաստան
Ստանալ կարճ հղումը
95 0 0

Իրավապահ մարմինների աշխատակիցները քննարկում են հետագա անելիքները` կապված պայթուցիկ տեղադրված լինելու մասին տեղեկատվության հետ

ԵՐԵՎԱՆ, 24 մարտի — Sputnik. Երևանի «Զվարթնոց» օդանավակայանում մեկ ժամ առաջ սկսվել է իրավապահ մարմինների աշխատակիցների խորհրդակցություն` Երևանի փրկարար ծառայության պետ Մուշեղ Ղազարյանի գլխավորությամբ, նրանք քննարկում են, թե ինչ պետք է անեն, հայտնեց Sputnik
Արմենիա ռադիոկայանի թղթակիցն օդանավակայանից։

Խորհրդակցությունը հրավիրվել է` կապված օդանավակայան հինգշաբթի ստացված այն տեղեկատվության հետ, թե օդանավակայանի տարածքում պայթյուն է տեղի ունենալու: Դրանից հետո օդանավակայան են եկել Ոստիկանության, ԱԻՆ և ԱԱԾ աշխատակիցները, ինչպես նաև կինոլոգներ` շներով։

Օդանավակայանում է գտնվում նաև մեկ մարտական հաշվարկ և շտապօգնության մեկ մեքենա։

Մեկ ժամ առաջ հրաման եղավ, որպեսզի օդանավակայանում գտնվող իրավապահ մարմինների բոլոր աշխատակիցները գնան նիստերի դահլիճ, ինչից հետո սկսվեց խորհրդակցությունը, որը դեռ շարունակվում է։

ՀՀ Քաղաքացիական ավիացիայի գլխավոր վարչության պետի տեղակալ Արսեն Պողոսյանը, ով դուրս եկավ նիստերի դահլիճից, լրագրողներին հայտնեց, որ այս պահին դեռ ոչինչ չի կարող ասել։

ՀՀ կառավարությանն առընթեր Քաղավիացիայի գլխավոր վարչության մամուլի խոսնակ Ռուբեն Գրձելյանն էլ ժամեր առաջ գրառում է կատարել Ֆեյսբուքի իր էջում` նշելով, որ տեղեկատվության հետ կապված` ՀՀ ՔԱԳՎ գլխավոր վարչությունում ընդունվել է որոշում` ըստ սահմանված կարգի այդ մասին տեղեկացնել համապատասխան պետական կառույցներին: Վերջիններս ձեռնարկել են բոլոր անհրաժեշտ հակազդող գործողությունները: Տեղեկատվության ստուգելու արդյունքում դեռևս ոչինչ չի հայտնաբերվել։

 

Գլխավոր թեմաներ