23:34 17 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Грануш Акопян

Հաշմանդամություն ունեցող սիրիահայ տատիկը կարող է ՀՀ քաղաքացիություն ստանալ

Photolure
Հայաստան
Ստանալ կարճ հղումը
50 0 0

Sputnik Արմենիայի թղթակիցը սիրիահայերի հարցի միջգերատեսչական հանձնաժողովի հերթական նիստին բարձրացրեց Սիրիայից տեղափոխված մի ընտանիքի օգնություն ցուցաբերելու հարցը

ԵՐԵՎԱՆ, 24 մարտի- Sputnik, Լաուրա Սարգսյան. Հայաստանի սփյուռքի նախարար Հրանուշ Հակոբյանը սիրիահայերի հարցերի միջգերատեսչական հանձնաժողովի նիստում Հայաստանի ոստիկանության Անձնագրային և վիզաների վարչության պետ Մնացական Բիչախչյանին հանձնարարեց զբաղվել այդ հարցով։ Խոսքը քաղաքացիություն տրամադրելու մասին է հաշմանդամություն ունեցող մի տարեց կնոջ, ում մասին Sputnik Արմենիան նյութ էր պատրաստել։

Հանձնաժողովն այսօրվա նիստում քննարկել է սիրիահայերին քաղաքացիություն տրամադրելու հարցը, ինչպես նաև 2016թ.-ի նախագծերը և ամփոփել անցած տարվա գործունեության արդյունքները։

«Սիրիական հարցը մինչև հիմա լուծված չէ։ Ցավոք, Սիրիայի մեր հայրենակիցները մշտական տեղափոխության մեջ են։ Եվ նրանց միգրացիան հիմնականում ուղղված է դեպի Հայաստան և Լիբանան։ Այսօրվա դրությամբ Հայաստանում ապրում է 17 հազար սիրիահայ»,- լրագրողներին ասաց նախարարը։

Սիրիահայերի հիմնական հարցերն աշխատանքի և բնակարանի խնդիրներն են։

«Սփյուռքում նկատվում է դրամահավաքի միտում` ավելի քան 600 ընտանիքի օգնելու համար։ Դրա համար անհրաժեշտ է 1,2 մլն դոլար։ Այսօրվա դրությամբ արդեն հավաքվել է 350 հազար դոլար»,- նշեց նախարարը։ Նա ավելացրեց, որ դրան պետք է միանան ՄԱԿ-ը և մյուս միջազգային կազմակերպությունները։

Նիստի ժամանակ նախարարը նաև նշեց, որ Հայաստանը գրեթե օգնություն չի ստանում դրսից, և աղքատության բարձր մակարդակ ունեցող երկիրը փորձում է օգնել հայրենիք վերադարձած սիրիահայերին։

 

 

 

Գլխավոր թեմաներ