15:50 23 օգոստոսի 2017
Ուղիղ եթեր
Геноцид армян

Ուրվականների հողը. Հայոց ցեղասպանությունը National Geografic-ի էջերում

© American Committee for Relief in the Near East
Հայաստան
Ստանալ կարճ հղումը
59 0 0

National Geografic Indonesia ամսագրի ապրիլյան համարը պատմում է բոլոր հայերի համար ամենաողբերգական օրվա` ապրիլի 24-ի մասին

ԵՐԵՎԱՆ, 27 մարտի — Sputnik. National Geografic Indonesia ամսագիրն ապրիլի 24-ին ընդառաջ պատմում է այն մասին, թե ինչ է տեղի ունեցել 100 տարի առաջ հայերի հետ Օսմանյան կայսրության տարածքում:

«Մեկ դար առաջ տեղի ունեցած ջարդերը մինչ օրս հետապնդում են Հայաստանին ու Թուրքիային: Որոշ տվյալների համաձայն` մեկ միլիոնից ավելի հայ է զոհվել 100 տարի առաջ Օսմանյան կայսրությունում` ներկայիս Թուրքիայում», — ասվում է հրատարակության կայքում:

Հայաստանի մայրաքաղաք Երևանում ի հիշատակ «Մեծ Եղեռնի» ողբերգական իրադարձությունների` քարակերտ «Ծիծեռնակաբերդ» հուշահամալիրն է վեր խոյանում:

Ամեն տարի ապրիլի 24-ին հազարավոր մարդիկ բարձրանում են հուշահամալիր, որպեսզի ծաղիկներ դնեն անմար կրակի մոտ:

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ մի շարք նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։

 

 

Գլխավոր թեմաներ