ԵՐԵՎԱՆ, 27 մարտի — Sputnik. 52 կգ քաշային կարգում սամբիստ Տիգրան Կիրակոսյանը նվաճեց Աշխարհի գավաթը, հայտնում է ՀԱՕԿ կայքը:
Մարտական սամբոյի մրցապայքարում Սամվել Բադալյանը (68կգ) և Մավրիկ Նասիբյանը (74կգ), գերազանց անցակացնելով բոլոր գոտեմարտերը, պարտվեցին միայն եզրափակիչում` արժանանալով արծաթե մեդալի:
Սամբոյի Աշխարհի գավաթի խաղարկությունը մեկնարկել է Մոսկվայում մարտի 24-ին։ Գավաթի խաղարկությունում Հայաստանը ներկայացել է հինգ մարզիկով:
