ԵՐԵՎԱՆ, 1 ապրիլի — Sputnik. Հայաստանի նախագահ Սերժ Սարգսյանը շնորհավորել է Հայաստանի ասորական համայնքին` Նոր տարվա՝ Հաբ-Նիսանի կապակցությամբ, հայտնում են ՀՀ նախագահի աշխատակազմի հասարակայնության և տեղեկատվության և հասարակայնության հետ կապերի վարչությունից։
«Սրտանց շնորհավորում եմ Հայաստանի ասորիներին Նոր տարվա՝ Հաբ-Նիսանի կապակցությամբ: Մաղթում եմ, որ բնության վերածնունդը խորհրդանշող այս տոնը նոր հաջողություններ բերի և նոր ծրագրերի իրականացման սկիզբ դառնա մեր եղբայր ասորի ժողովրդի համար: Թող սիրո և պտղաբերության այս գարնանային տոնը ուղեկցի գալիք ողջ տարվա ընթացքում և թող հեռու մնան պատերազմներն ու փորձությունները»,- ասված է ՀՀ նախագահի ուղերձում։
Նա Հայաստանի ասորական համայնքին մաղթել է երջանկություն և բարօրություն:
Հայաստանում բնակվում է մոտ 6 հազար ասորի։
