17:32 19 սեպտեմբերի 2017
Ուղիղ եթեր
Пограничное отделение

Աբխազիան վիզային ռեժիմ է սահմանել Հայաստանի համար

© Sputnik/ Игорь Зарембо
Հայաստան
Ստանալ կարճ հղումը
89 0 0

Աբխազիան վիզային ռեժիմ է սահմանել այն երկրների քաղաքացիների համար, որոնց հետ «միջկառավարական համաձայնագրեր չի ստորագրել անայցագիր ուղևորությունների վերաբերյալ»

ԵՐԵՎԱՆ, 1 ապրիլի — Sputnik. Աբխազիայի սահմանած վիզային ռեժիմն ուժի մեջ կմտնի 2016 թվականի ապրիլի 1-ից, հայտնում է Sputnik Աբխազիան` հղում անելով Աբխազիայի ԱԳՆ հյուպատոսական ծառայությանը։

«Հյուպատոսական ծառայությունն այսօրվանից վիզաներ է տրամադրում այն երկրի քաղաքացիներին, որոնց առնչվում է այս նորամուծությունը։ Մեծ թվով մարդիկ են հավաքվել, հիմնականում` Ուկրաինայի, Բելառուսի, Հայաստանի քաղաքացիներ։ Մենք ամեն ինչ բացատրում ենք և խորհրդատվություն տրամադրում։ Մարդիկ շատ են, նոր վիզային ռեժիմի արդյունքները կամփոփվեն աշխատանքային օրվա վերջում», — հայտնել է հյուպատոսության աշխատակից Վերոնիկա Ջոպուան։

Նա հիշեցրեց, որ Աբխազիա մուտք գործելու համար կարելի է թույլտվություն ստանալ` ուղարկելով անհրաժեշտ փաստաթղթերը Աբխազիայի ԱԳՆ հյուպատոսական ծառայության էլեկտրոնային հասցեին։ Հյուպատոսական ծառայությունները 7 աշխատանքային օրվա ընթացքում կքննեն հայցը։ Տվյալների մշակումն ավելի կարճ կտևի նրանց համար, ովքեր Աբխազիայի Հանրապետության տարածք են մուտք գործում ոչ առաջին անգամ։

«Վիզան ձևակերպվում է և վճարվում Սուխումի ժամանելուց հետո առաջին երեք օրվա ընթացքում։ Ներկա պահին Աբխազիայի վիզան տրամադրվում է հանրապետության ԱԳՆ հյուպատոսական ծառայությունում` Սուխումիում` Սախարովի փողոց, 33 հասցեում։ Օտարերկրյա քաղաքացիներն առանց վիզա ստանալու չեն կարող լքել Աբխազիան», — նշել է Ջոպուան։

Նրա խոսքով` նախատեսվում է ռուս-աբխազական սահմանի վրա գտնվող «Պսոու» հսկիչ անցակետում վիզաների տրամադրման կետ բացել։

Աբխազիայի Հանրապետության «Աբխազիայի հանրապետություն մուտքի և ելքի կարգի մասին» օրենքի համաձայն` 2016 թվականի ապրիլի 1-ից վիզային ռեժիմ է սահմանվում այն օտարերկրյա պետությունների քաղաքացիների համար, որոնց հետ Աբխազիան համատեղ վիզային ուղևորությունների վերաբերյալ միջկառավարական համաձայնագիր չի ստորագրել։ Առանց այցագրերի Աբխազիայի տարածք կարող են ժամանել միայն Ռուսաստանի, Նիկարագուայի, Տուվալուի, Մերձդնեստրյան Մոլդովական Հանրապետության և Հարավային Օսիայի Հանրապետության քաղաքացիները:

 

Գլխավոր թեմաներ