17:36 19 սեպտեմբերի 2017
Ուղիղ եթեր
Деревня. Армения

Հայկական հողերն անօրինաբար վաճառում են ամերիկացիներին

© Sputnik/ Аракс Саргсян
Հայաստան
Ստանալ կարճ հղումը
240 0 0

Հայաստանի սահմանամերձ գյուղերում միսիոներական ակտիվ գործունեություն ծավալած կրոնական կառույցները, որոշ տվյալներով, հայկական հողերի անօրինական վաճառքով են զբաղվում

ԵՐԵՎԱՆ, 1 ապրիլի- Sputnik. Հայաստանում կրոնական կառույցների գործունեության և բարեգործական ծրագրերի ուսումնասիրությամբ ոչ ոք չի զբաղվում, կարծում է «Քայքայիչ պաշտամունքներից տուժածների օգնության և վերականգնողական կենտրոնի» ղեկավար Ալեքսանդր Ամարյանը։

Հողերի վաճառք

«Կառավարությունը հրապարակում է բարեգործական ծրագրերի ցուցակները։ Ես որոշեցի հասկանալ, թե ինչով են նրանք զբաղվել տարվա ընթացքում։ Պարզվեց, Հայաստանում յոթ միլիոն դոլարի ներդրում է արվել։ Սակայն բարեգործության համար ծախսվել է ընդամենը 800 հազար դոլար, որն արձանագրված է կառավարության հաշվետվություններում»,- հավելեց Ամարյանը։

Փորձագետին հետաքրքրել է այն հարցը, թե որտե՞ղ է մնացած 6,2 մլն դոլարը։ Ամարյանի խոսքով` որոնումներից հետո հայտնի է դարձել, որ այդ փողերը չեն լվացվում, այլ դրանցով հողեր, շենքեր և շինություններ են գնում։

«Կանոնադրության տեքստում սևով սպիտակի վրա գրված է` «տվյալ տարածքը պատկանում է «իքս» կառույցի, որը գտնվում է ԱՄՆ-ում»։ Ստացվում է, որ Հայաստանն իր հողերը վաճառում է Ամերիկային»,- նշեց փորձագետը։

Sputnik Արմենիայի զրուցակիցը նշեց, որ կան փաստաթղթեր, որոնք վկայում են այդ հողերի վաճառքի մասին։

Որոշակի պարզություն մտցնելով հարցում` նա ավելացրեց, որ հնարավոր է` ապագայում, եթե ինչ-որ խնդիր ծագի, «ամերիկացիներն իրավունք կունենան գալ Հայաստան անգամ ռազմական տեխնիկայով, քանի որ նրանք պետք է պաշտպանեն իրենց քաղաքացիների և կազմակերպությունների շահերը»։

«Իսկ դատարանի պարզաբանման մեջ գրված է. «Դատարանը որոշել է նրանց հանձնել այդ հողերը»։ Անեկդոտ է։ Հարց է ծագում, թե ինչպե՞ս եք վաճառում այդ հողերը։ Չէ՞ որ օրենսդրության համաձայն` մենք արտասահմանցիներին հող վաճառելու իրավունք չունենք»,- ասաց նա։

Հայաստանի սահմանադրության 31 հոդվածում ասվում է` արտասահմանյան քաղաքացիները և քաղաքացիություն չունեցող անձինք չեն օգտվում հողի սեփականական իրավունքից, բացառությամբ օրենքով նախատեսված դեպքերի։

Հայաստանի հողային օրենսգրքի 4-րդ հոդվածի 3-րդ կետի համաձայն` «ՀՀ սահմանադրության համապատասխան արտասահմանյան քաղաքացիները և քաղաքացիություն չունեցող անձինք չեն կարող հողի սեփականության իրավունք ունենալ Հայաստանի Հանրապետությունում։ Նրանք միայն կարող են օգտագործել այդ հողերը»։

Հողային օրենսգրքի 66-րդ հոդվածի համաձայն` պետության տնօրինության տակ գտնվող հողատարածքներն անմիջականորեն վաճառվում են օտարերկրյա պետություններին և միջազգային կազմակերպություններին դիվանագիտական և ներկայացուցչական նպատակներով այն դեպքերում, որոնք նախատեսված են Հայաստանի Հանրապետության միջազգային պայմանագրերով։

Արգելք

Ի դեպ, արդեն առաջին տարին չէ, որ «Դաշնակցության» խորհրդարանական խմբակցության անդամներն առաջարկում են խստացնել արտասահմանցիներին Հայաստանի հողատարածքները վաճառելու պայմանները։

Մասնավորապես, ՀՅԴ անդամներն արդեն բազմաթիվ անգամ առաջարկել են շտկումներ կատարել հոդվածներում, որոնք կարգելեն արտասահմանցիներին հողատարածքներ գնել Հայաստանի սահմանամերձ գոտիներում։

Նրանց պնդումների համաձայն, Հայաստանի հողատարածքները շատ գրավիչ են դարձել արտասահմանցիների, մասնավորապես, ադրբեջանական արմատներ ունեցող իրանցիների, եվրոպացիների և այլ օտարերկրյա քաղաքացիների համար։ Հենց այդ պատճառով էլ հայկական հողերն օրենսդրական մակարդակով պաշտպանվելու կարիք ունեն։

 

 

Գլխավոր թեմաներ