03:09 21 օգոստոսի 2017
Ուղիղ եթեր
Армен Мурадян

Առողջապահության նախարարին հիացնում է հայերի համախմբվածությունը

© Sputnik/ Асатур Есаянц
Հայաստան
Ստանալ կարճ հղումը
50620

ՀՀ առողջապահության նախարարությունն աշխատում է արտակարգ ռեժիմով` սերտ համագործակցելով պաշտպանության նախարարության և ԼՂՀ առողջապահության նախարարության հետ։ Նախարար Արմեն Մուրադյանը Sputnik Արմենիա ռադիոկայանի եթերում հայտնել է, որ ԼՂՀ բոլոր հիվանդանոցներն ապահովված են անհրաժեշտ դեղորայքով

ԵՐԵՎԱՆ, 4 ապրիլի — Sputnik. Մասնագիտական ներուժից մինչև դեղորայք ու բժշկական պարագաներ. ԼՂՀ բուժհաստատություններն ապահովված են այս ամենով։

«Արյան պաշարները մեզ այս պահին բավարարում են։ Բացի այդ, անհրաժեշտ ցուցակներ են կազմվում և համապատասխան դեղորայք ենք ուղարկում այն բուժհիմնարկներին, որոնք բուժօգնություն են տրամադրում մեր տուժածներին ու վիրավորներին»,-ասաց նախարարը։

Առողջապահության նախարար Արմեն Մուրադյանին առանձնահատուկ հպարտություն է ներշնչում այս օրերին ժողովրդի համախմբվածությունն ու բարոյահոգեբանական վերելքը։ Նա խրախուսում է նաև Հայաստանից մեկնող բժիշկների ու բուժանձնակազմի պատրաստակամությունը լինել տուժածների կողքին, սակայն մի հորդոր ունի.

«Կուզեի խնդրել մեր բժիշկներին միայն առողջապահության նախարարության կողմից ուղեգրվելու դեպքում մեկնեն Ղարաբաղ` հայ զինվորի կողքին լինելու նպատակով»։

Այս օրերին, նախարարի խոսքով, օգնող ձեռք են մեկնում նաև հայ գործարարները։ Նրանք ընդհանուր պաշարները համալրում են անհրաժեշտ դեղորայքով և պատրաստակամություն են հայտնել շարունակել այնքան, որքան պետք կլինի։

 

Գլխավոր թեմաներ