12:54 18 օգոստոսի 2017
Ուղիղ եթեր
Арцрун Ованнисян

ՀՀ ՊՆ-ն ներկայացրել է մարտական գործողություների վերջին ժամերի պատկերը

© Sputnik/ Асатур Есаянц
Հայաստան
Ստանալ կարճ հղումը
10810

Արցախի և ադրբեջանական բանակի ռազմաճակատի հյուսիսային ու հարավային հատվածում շարունակվում են համառ մարտեր: ՀՀ պաշտպանության նախարարի մամուլի քարտուղար Արծրուն Հովհաննիսյանը նոր հայտարարություն է տարածել

ԵՐԵՎԱՆ, 3 ապրիլի- Sputnik. Արծրուն Հովհաննիսյանն իր ֆեյսբուքյան էջում հայտնում է, որ ղարաբաղա-ադրբեջանական շփման գծի այն հատվածներում, որտեղ այս պահին մարտեր են ընթանում, «նախաձեռնությունը գտնվում է հայկական կողմի ձեռքում և ադրբեջանական կողմի որևէ հաջողության մասին խոսք գնալ իսկ չի կարող»:

«Մենք շարունակում ենք հակառակորդի սանձահարման գործողությունները, ընդ որում ճակատի շատ հատվածներում գտնվում ենք թելադրողի դիրքերում: Ճակատի որոշ հատվածներում մարտերը դեռևս շարունակվում են, քանի որ հակառակորդը այդտեղ կուտակել է խոշոր ուժեր»,-հայտնում է Արծրուն Հովհաննիսյանը:

Պաշտպանության նախարարի մամուլի խոսնակը հորդորում է ուշադրություն չդարձնել հայկական կողմի կրած մարդկային, տեխնիկական և տարածքային կորուստների մասին տարածվող ապատեղեկատվությանը՝ խոստանալով առաջիկայում ներկայացնել ԼՂ-ում տիրող վիճակի մասին առավել ամբողջական հավաստի տեղեկատվություն:

Գլխավոր թեմաներ