13:37 20 օգոստոսի 2017
Ուղիղ եթեր
Эдуард Шармазанов

Հայաստանի ԱԺ–ն պատրաստվում է «արթնացնել» միջազգային կառույցներին

© Sputnik/ Асатур Есаянц
Հայաստան
Ստանալ կարճ հղումը
4210

ՀՀ ԱԺ փոխխոսնակ Էդուարդ Շարմազանովը Sputnik Արմենիա ռադիոկայանի եթերում հայտնել է որ պատգամավորները միահամուռ պաշտպանում են Արցախի ժողովրդի ինքնորոշման իրավունքը ու ևս մեկ անգամ վերահաստատում, որ Հայաստանն Արցախի ժողովրդի անվտանգության երաշխավորն է

ԵՐԵՎԱՆ, 3 ապրիլի — Sputnik. Շարմազանովի փոխանցմամբ` Ազգային ժողովի պատգամավորները դժգոհություն են հայտնում տարբեր երկրների և կառույցների կողմից հնչող ոչ հասցեական գնահատականների առիթով։

«Մենք տեսնում ենք, որ դժբախտաբար այդ ահաբեկչական գործողություններից հետո հավասարության նշան է դրվում և կողմերին են կոչեր արվում։ Այն դեպքում, որ Մոսկվայում Ադրբեջանի դեսպանը չի թաքցնում, որ նախահարձակ է եղել Ադրբեջանը, չեն թաքցնում բազում փաստեր` թե´ տեսաձայնագրված, թե´ ֆոտոփաստեր»,-ասաց Էդուարդ Շարմազանովը։

Քննարկման արդյունքում պատգամավորները եկել են այն եզրահանգման, որ պետք է դիմեն իրենց միջազգային գործընկերներին` հասցեական գնահատականներ ու քննադատություն հնչեցնելու պահանջով։

«Քանի դեռ նման գնահատականներ չեն հնչում, ավելին ասեմ, պետք է նաև պատժամիջոցների ենթարկեն Ադրբեջանին, մենք չենք կարող խոսել տարածաշրջանում խաղաղության հաստատման մասին։ Ադրբեջանը ցույց է տվել, որ այս ընթացքում բացառապես ինքն է ռազմական լուծման կողմնակից, ինքն է պատրաստ հարյուրավոր զինվորներ զոհաբերել հանուն հինգ մետր առաջ գնալու, որը նրա մոտ չի ստացվի, և Ադրբեջանը Թուրքիայի հետ իրականացնում է մի քաղաքականություն, որը կոչվում է ահաբեկչական»,-ասաց ԱԺ փոխխոսնակը։

 

 

Գլխավոր թեմաներ