09:58 23 օգոստոսի 2017
Ուղիղ եթեր
Иран

Իրանագետ. Հայաստանից իրանական տարածք արկեր չեն ուղղվել

© Sputnik/
Հայաստան
Ստանալ կարճ հղումը
499 0 0

Ադրբեջանական որոշ կայքեր տեղեկություն են տարածել, թե իբր հայկական կողմից «Գրադից» հարվածներ են ուղղվել իրանական տարածք։ Իրանագետ Ահարոն Վարդանյանը, Sputnik Արմենիա ռադիոկայանի եթերում վստահեցրեց, որ լուրը բացարձակապես չի համապատասխանում իրականությանը

ԵՐԵՎԱՆ, 3 ապրիլի — Sputnik. Ահարոն Վարդանյանը նշեց, որ հիշյալ լուրը, թե Հայաստանից պատահաբար արկեր են արձակվել ու ընկել Իրանի Արևելյան Ատրպատական նահանգի տարածքում, Յութուբում տեղադրել է հակաիրանական, ադրբեջանական ուղղվածության մի ալիք։

«Վերլուծելով ընթացող մարտերը` կտեսնենք, որ Բաքվի կողմն ունակ չէ նույնիսկ Կալաշնիկովից ճիշտ կրակ վարել, ուր մնաց «Գրադից», և շատ հնարավոր է, որ դրանք հենց նրանք են արձակել։ Բացի այդ, հայկական կողմը պետք է առնվազն մեջքով կանգներ դեպի Իրանը և դրանք շպրտեր հետ, իսկ սովորաբար մարտի դեպքում դեպի առաջ են շպրտում»,- նկատեց Վարդանյանը։

Մեկ այլ փաստարկ էլ կա. այդ աղբյուրները գրում են Հարավային Ադրբեջան, այնինչ տվյալ նահանգի իսկական անունը Արևելյան Ատրպատական է, Հարավային Ադրբեջան ասում են ադրբեջանցիները` նկատի ունենալով իրենց տարածքային նկրտումները։

«Հայաստանի կողմից ոչ մի անգամ չի գրվել Հարավային Ատրպատական, դա գրվում է միայն ադրբեջանցիների կողմից, այնպես որ նյութի վերնագրից պարզ է երևում է, թե դրա հեղինակն ով է։ Դա գրված է Ադրբեջանի կողմից` նրա պատվերով, նրա ֆինանսավորմամբ»,- ասաց Վարդանյանն` ավելացնելով, որ լուրը տարածում են այն պարսկալեզու կայքերը, որոնք ֆինանսավորվում են ադրբեջանական կողմից։

 

 

Գլխավոր թեմաներ