ԵՐԵՎԱՆ, 4 ապրիլի — Sputnik. Հայաստանի Հանրապետության տարածքում տեղակայված Հարավային ռազմական օկրուգի ռուսական ռազմակայանում մեկնարկել է «Նվիրիր մարդուն կյանք` դարձիր դոնոր» արյունատվության բարեգործական ակցիան։ Ակցիան նվիրված է ապրիլի 7-ին նշվող Առողջության համաշխարհային օրվան։ Ակցիային մասնակցում է Երևանի և Գյումրու ՀՌՕ ռազմակայանների ավելի քան 300 զինծառայող, քաղաքացիական անձնակազմի և նրանց ընտանիքների անդամները։ ՀՌՕ կլինիկական ռազմական հոսպիտալի 1602-րդ ստորաբաժանման մասնագետները նախատեսում են հանձնել մոտ 100 լիտր արյուն և փոխանցել այն Հայաստանի` արյան փոխներարկման կարիք ունեցող հիվանդներին։
Երևանի և Գյումրու ռազմական կայազորների տարածքում արյուն հանձնելու ակցիա կանցկացվի ապրիլի 4-8-ը։ Միջինը յուրաքանչյուր զինծառայող կհանձնի մոտ 200 մլ արյուն, իսկ փորձառու դոնորները` 350-400 մլ արյուն։ Լաբորատորիայում արյունը ստուգելուց հետո այն կփոխանցվի Հայաստանի բուժհաստատություններ` արյան մեծ կորստով ծանր վիրահատություններ տարած և հեմոֆիլիայով հիվանդների օգնելու համար։
Անդրկովկասի ռուսական միավորումներում «Դոնորի օր» անցկացվում է 2011 թվականից և արդեն ավանդական բնույթ է կրում։ Այս ակցիան ընթացիկ տարում վեցերորդն է։ Ընդհանուր առմամբ հինգ տարվա ընթացքում ակցիային մասնակցել է ավելի քան 1.5 հազար մարդ, ովքեր հանձնել են շուրջ 600 լիտր դոնորական արյուն։
