10:40 21 օգոստոսի 2017
Ուղիղ եթեր
Новорожденный Тигран, которого назвали в честь Тиграна Абгаряна из Гюмри, погибшего в Джабраиле

Գյումրիում նորածնին անվանակոչել են` ի պատիվ մերօրյա հերոսի

© Sputnik/ Armenuhi Mkhoyan
Հայաստան
Ստանալ կարճ հղումը
47911

Գյումրու ծննդատանն ապրիլի 10-ին լույս աշխարհ եկած փոքրիկը ծնողների որոշման շնորհիվ բոլորի ուշադրության կենտրոնում է հայտնվել

ԵՐԵՎԱՆ, 11 ապրիլի-Sputnik. Արմենուհի Մխոյան. Շիրակի մարզի Քեթի գյուղից Խաչատրյանների ընտանիքում 2 կգ 900 գրամ քաշով ծնված երրորդ զավակին ծնողները ցանկացել են անվանել Տիգրան` ի պատիվ Ջեբրայիլում զոհված գյումրեցի Տիգրան Աբգարյանի:

20 տարեկան Տիգրան Աբգարյանը, առաջնագծում միայնակ հայտնվելով թշնամու 8 տանկի դեմ, կարողացել է ոչնչացնել դրանցից 3-ն ու անձնվիրաբար զոհվել է:

«Ուրախ եմ, որ արու զավակ եմ ունեցել՝ ապագա զինվոր: Թող մեծանա ու քաջ զինվոր դառնա, իսկ մինչ այդ, եթե անհրաժեշտություն լինի, ես էլ կգնամ առաջանգիծ իմ ընտանիքին ու իմ զավակներին պաշտպանելու: Մենք Տիգրանին անձամբ չգիտենք, բայց իմացանք նրա քաջագործության մասին ու անմիջապես որոշեցինք փոքրիկին Տիգրան կոչել: Թող բոլորի օջախներում այսպիսի ուրախություն լինի, հայ ազգը շատանա»,- նշեց նորածնի հայը՝ Ռոման Խաչատրյանը:

Новорожденный Тигран, которого назвали в честь Тиграна Абгаряна из Гюмри, погибшего в Джабраиле
© Sputnik/ Armenuhi Mkhoyan
Ռոման և Արմինե Խաչատրյանները` փոքրիկ Տիգրանի հետ

Փոքրիկի ավագ եղբայրը 8 տարեկան է, ունի նաև իրենից մեծ քույրիկ: Մայրը՝ Արմինե Խաչատրյանը, վստահեցնում է՝ ուրախությամբ է նորածնին կոչել գյումրեցի մերօրյա հերոսի անունով:

«Այս օրերին ապրումները շատ խորն են, ու որոշել էինք` հենց տղա ծնվի, հերոսներից մեկի անունով կոչել: Ժամանակի ընթացքում կփորձեմ հերոս Տիգրանի ծնողների հետ կապ հաստատել, որպեսզի ճանաչեն փոքրիկին, որն իրենց տղայի անունով է անվանակոչվել: Գուցե մի օր հյուր գնանք նրանց»,- նշեց Արմինե Խաչատրյանը:

Новорожденный Тигран, которого назвали в честь Тиграна Абгаряна из Гюмри, погибшего в Джабраиле
© Sputnik/ Armenuhi Mkhoyan
Փոքրիկ Տիգրանը

Այսպես Գյումրիում նոր հերոսներ են ծնվում` անկոտրում ու անպարտելի պահելով հայի ոգին։

 

Գլխավոր թեմաներ