13:00 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Площадь Республики. Ереван

Նորացված Վերնիսաժ. Հայաստանի ողջ կոլորիտը` մեկ տարածքում

© Sputnik / Arpi Beglaryan
Հայաստան
Ստանալ կարճ հղումը
83020

Երևանի քաղաքապետարանը շարունակում է Վերնիսաժի արդիականացման և բարեկարգման նախագծերի ու ծրագրերի քննարկումները

ԵՐԵՎԱՆ, 14 ապրիլի- Sputnik. Երևանի կենտրոնում գտնվող Վերնիսաժի վերակառուցումը կնպաստի քաղաքային զբոսաշրջության զարգացմանը, հաղորդում է Երևանի քաղաքապետարանի մամուլի ծառայությունը։

Երևանի քաղաքապետ Տարոն Մարգարյանի նախաձեռնած ծրագրի նպատակն է Վերնիսաժը դարձնել ներկայանալի ու հարմարավետ հանրային տարածք։

Տվյալ պահին քաղաքապետարանն ընտրելու է վերակառուցման չորս տարբերակից մեկը, որին կարելի է ծանոթանալ Facebook սոցիալական ցանցում։ Այստեղ կարելի է ներկայացնել նաև սեփական տարբերակներն ու ցանկությունները։

Հերթական հանդիպում-քննարկումը զբոսաշրջության ոլորտի ներկայացուցիչների հետ էր: Երևանի քաղաքապետի տեղակալ Դավիթ Օհանյանի և ծրագրի պատասխանատուների հետ հանդիպմանը մասնակցում էին ՀՀ էկոնոմիկայի նախարարության զբոսաշրջության վարչության պետ Մեխակ Ապրեսյանը, Հայաստանի ազգային մրցունակության հիմնադրամի տնօրեն Արման Խաչատրյանը, Հայաստանի ներգնա տուրօպերատորների միության, Հայաստանի զբոսավարների ասոցիացիայի ներկայացուցիչները, Տուրիզմի հայկական ինստիտուտի ռեկտոր Ռոբերտ Մինասյանը, համայնքային թանգարանների տնօրեններ և ոլորտի ակտիվ ներկայացուցիչներ:

1 / 3
Վերնիսաժի արդիականացման նախագիծը

Օհանյանը, կարևորելով մայրաքաղաքում զբոսաշրջության զարգացմանն ուղղված ծրագրերը, ընդգծեց, որ «Վերնիսաժի» բարեկարգման և արդիականացման ծրագրի իրագործումը ևս մեկ քայլ է՝ Երևանն ավելի ներկայանալի դարձնելու համար:

Ներկաներն առանձնացրել են նաև վաճառողների արտաքինի կանոնակարգման խնդիրը, ինչպես նաև տարածքում զբոսաշրջիկների համար սանհանգույցներ կառուցելու անհրաժեշտությունը:

Հաշվի առնելով «Վերնիսաժի» բազմաֆունկցիոնալ նշանակությունը՝ առաջարկ է ներկայացվել նաև միջոցառումների կազմակերպման համար առանձին փոքր հրապարակ-հարթակ ունենալու գաղափարը, որտեղ շաբաթ-կիրակի, նաև տոն օրերին ազգային մշակութային միջոցառումներ կկազմակերպվեն:

Ընդգծելով, որ վերակառուցումից հետո «Վերնիսաժը» Երևան այցելող զբոսաշրջիկներին ներկայացվելու է որպես մայրաքաղաքի և առհասարակ հայկական մշակույթն ու ավանդույթները ներկայացնող յուրօրինակ այցեքարտ` ներկաները կարևորել են նաև տարածքում արվեստանոցների ստեղծումը, որոնցում մայրաքաղաքի հյուրերը կկարողանան անձամբ, օրինակ, կավից որևէ իր պատրաստել կամ էլ գորգագործությանը ծանոթանալ:

 

Գլխավոր թեմաներ