03:20 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Шаварш Кочарян

Քոչարյան. Հայաստանը չի կարող հայտնվել պաշարված ամրոցի կարգավիճակում

© АРКА
Հայաստան
Ստանալ կարճ հղումը
31 0 0

ՀՀ ԱԳ փոխնախարարի կարծիքով` որքան շուտ մասնակցի Ղարաբաղը, այնքան բանակցային գործընթացն ավելի արդյունավետ կլինի

ԵՐԵՎԱՆ, 15 ապրիլի — Sputnik. Հայաստանը չի կարող նեղացածի կեցվածք ընդունել ու հայտնվել պաշարված ամրոցի կարգավիճակում։ Նման տեսակետ հայտնեց ՀՀ արտաքին գործերի նախարարի տեղակալ Շավարշ Քոչարյանը` մեկնաբանելով ԵԱՏՄ անդամ երկրների վարչապետների խորհրդի նիստին մասնակցելու որոշումը:

Ինչու՞ ՀՀ վարչապետը գնաց Մոսկվա` մասնակցելու ԵԱՏՄ անդամ երկրների վարչապետների խորհրդի նիստին, այն դեպքում, երբ Երևանում նախանշված նույն այդ հանդիպումը հետաձգվեց Ադրբեջանի ջանքերի ու Ղազախստանի գործուն աջակցության շնորհիվ։ Հայաստանում վերջին օրերին քննարկվող այս հարցին լրագրողների հետ զրույցում պատասխանեց ՀՀ արտաքին գործերի նախարարի տեղակալ Շավարշ Քոչարյանը։

«Մենք կարող ենք նեղացածի կեցվածք ընդունել ու հայտնվել պաշարված ամրոցի կարգավիճակում, երբ բոլորը մեր թշնամին են, մենք չունենք բարեկամներ։ Մյուս կողմից պետք է թույլ չտանք հայտնվել այդ իրավիճակում, որի նպատակը հենց հետապնդում է Ադրբեջանը»,- ասաց Շավարշ Քոչարյանը։

Իսկ ԵԱՏՄ վարչապետների խորհրդի նիստին այցելելով` Հայաստանը, Քոչարյանի խոսքով, հնարավորություն է ստացել օգտագործել այդ հարթակը` հայտարարելով, որ նման մոտեցումն անընդունելի է։

«Արդյունքում փորձեցին մեղմել այդ մոտեցումը, ու մոտակա նիստը նշանակեցին Երևանում, մայիսի 20-ին», —ասաց նա։

Ինչ վերաբերում է ԼՂ-ում ծավալված մարտական գործողություններին ՀԱՊԿ-ի չարձագանքելուն` Քոչարյանը նշեց, որ Հայաստանն ինքը չի դիմել այդ կառույցին` օգնություն տրամադրելու հարցով։ Իսկ ՀԱՊԿ ղեկավարության դիրքորոշման մասին խոսելիս փոխարտգործնախարարը նշեց, որ Բորդյուժայի այցը Հայաստան ինքնին ամեն ինչ ասում է։

Անդրադառնալով Ղարաբաղյան կարգավորման բանակցային գործընթացին ԼՂ-ի մասնակցությանը` ԱԳ փոխարտգործնախարարը նշեց, որ դա համանախագահների պատկերացմամբ պետք է տեղի ունենար արդեն վերջնական պայմանագրի մշակման փուլում։

«Սակայն ապրիլյան դեպքերից հետո երևաց, որ այդ մոտեցումը սխալ է»,- ասաց Քոչարյանը` հավելելով, որ որքան շուտ մասնակցի Ղարաբաղը, այնքան բանակցային գործընթացն ավելի արդյունավետ կլինի։

 

 

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    313
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    160
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    220