04:38 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Национальное собрание РА

ՀՀ և ՌԴ խորհրդարանականներն այսօր նայել են միմյանց աչքերին

© Sputnik / Асатур Есаянц
Հայաստան
Ստանալ կարճ հղումը
28 0 0

ԼՂ հակամարտության կարգավորման գործընթացում Ռուսաստանը պետք է երաշխավոր լինի, ոչ թե մասնակից։ Այսօր Երևանում, լրագրողների հետ ճեպազրույցի ընթացքում նման կարծիք հայտնեց ՌԴ ԴԺ ԴԽ պաշտպանության և անվտանգության կոմիտեի փոխնախագահ Բայիր Ժամսուևը

ԵՐԵՎԱՆ, 15 ապրիլի — Sputnik. Ադրբեջանին զենք վաճառելու մասին հայ լրագրողների հարցերին ի պատասխան ռուսաստանյան խորհրդարանի պաշտպանության եւ անվտանգության կոմիտեի նախագահ Ալեքսանդր Չեկարինը պատասխանեց.

«Զենքի վաճառքը թերևս ամենատարածված միջազգային պրակտիկան է, այսօր այն որևէ մեկին չի զարմացնում, ավելի շատ դա տնտեսական, քան քաղաքական հարց է»։

Նա նաև փաստեց, որ ադրբեջանական կողմը ռուսական զենքից զատ մեծ քանակությամբ նաև իսրայելական, բելառուսական զենք ունի, և, եթե Ռուսաստանը հրաժարվի զենք վաճառել, ապա Ալեքսանդր Չեկարինի խոսքով` «հաջորդ իսկ օրն այդ տեղը կգրավի ՆԱՏՕ-ի անդամ որևէ երկիր, բայց այդ զենքը շատ ավելի մահաբեր ու ավելի սարսափելի կլինի»։

«Կրակում է ոչ թե զենքը, այլ մարդը,- ասաց ռուսաստանցի խորհրդարանականը,- դրա համար անհրաժեշտ է աշխատել մարդկանց, քաղաքական գործիչների, հասարակական կառույցների, իշխանությունների հետ, և այդ դեպքում զենքը`ո՛չ ռուսականը, և ո՛չ էլ որևէ այլ երկրինը, չի կրակի»։

ՌԴ Դաշնային ժողովի Դաշնային խորհրդի պաշտպանության և անվտանգության կոմիտեի փոխնախագահ Բայիր Ժամսուևը խոստովանեց, որ արդեն մի քանի օր անընդհատ լսում են, որ Ռուսաստանն Ադրբեջանին զենք է վաճառում։

«Այսօր մենք այդ տեղեկությունը լսեցինք նաև մեր հայաստանցի գործընկերների շուրթերից։ Մենք իհարկե կվերլուծենք այդ տեղեկությունը` հասկանալու համար, թե ինչու է նման տպավորություն ստեղծվել, որ Ռուսաստանը Ադրբեջանին զենք է մատակարարում, իսկ Հայաստանին զենքի վաճառքի պայմանավորվածությունը` 200 միլիոնի շրջանակներում, ուշացրել է, ինչն էլ առիթ է դարձել ԼՂ-ում մարդկային զոհերի պատճառ դարձած ագրեսիվ միջադեպի»,- ասաց կոմիտեի փոխնախագահը։

Կոմիտեի նախագահ Ալեքսանդր Չեկարինը նույնպես մտահոգություն հայտնեց հայ և ռուս ժողովուրդների միջև վերջին իրադարձությունների հետևանքով առաջացած սառնության վերաբերյալ։

«Մեզ համար հասկանալի է ձեր դժգոհությունը, ձեր ցավը, ձեր հոգու ճիչը, այդ ամենը հասկանալի է։ Բայց դուք պետք է հասկանաք, որ ցավալի իրադարձություններից ընդամենը 2 շաբաթ է անցել, մինչդեռ նոր որոշումների, ընկալումների համար որոշակի ժամանակ է պետք, նոր փոխադարձ պարտավորությունների մշակում։ Շտապ լուծումներ գտնել այսօր ուղղակի չի ստացվի»,- ասաց նա ` կարևորելով, որ հայ և ռուս խորհրդարանականներն այսօր, ամբողջ օրն անցկացրել են միասին ու, միմյանց աչքերին նայելով, քննարկել առկա բոլոր խնդիրները։

 

 

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    331
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    165
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    233