10:27 21 օգոստոսի 2017
Ուղիղ եթեր
Орден защитника отечества и Георгиевская ленточка

Եվ հիշում է հաղթանակած աշխարհն Ալեքսան Օրդյանին

© Sputnik/ Asatur Yesayants
Հայաստան
Ստանալ կարճ հղումը
7620

Հայրենական մեծ պատերազմում տարած հաղթանակի օրվան ընդառաջ Sputnik Արմենիա լրատվական գործակալությունն ու ռադիոն գործարկել է «… Եվ հիշում է հաղթանակած աշխարհը» մուլտիմեդիոն նախագիծը։ Նախագծի շրջանակում ներկայացնում ենք Ալեքսան Կարապետի Օրդյանի պատմությունը

ԵՐԵՎԱՆ, 8 մայիսի — Sputnik. Հայրենական Մեծ պատերազմի մասնակից Ալեքսան Կարապետի Օրդյանը ծնվել է 1897 թվականին Տավուշի մարզի Այգեձոր գյուղում։ Նա զոհվել է Կերչի մատույցներում:

Նա երկու անգամ է պատերազմ գնացել: Առաջին անգամ` 1941-ին, նա վերադարձավ վիրավոր, երկրորդ անգամ ռազմաճակատ մեկնեց 1942-ին, բայց այս անգամ չվերադարձավ, հարազատները ստացան չարաբաստիկ «սև թուղթը»:

Ордян Алексан Карапетович
Личный архив А.Ордян
Ալեքսան Օրդյան

Ասում են՝ երկրորդ անգամ Ալեքսան Օրդյանը պատերազմ է մեկնել ուրիշի փոխարեն: Միակ տեղեկությունը, որ հասել է սերունդներին Ալեքսան Օրդյանի զոհվելու հանգամանքների մասին, հայտնել է համագյուղացիներից մեկը, ով Օրդյանի զոհվելու պահին նրա կողքին է եղել: Հայտնի է, որ նա վիրավորվել է գլխից ու զոհվել խրամատում:

Ордян Алексан Карапетович
© Sputnik/
Ալեքսան Օրդյան

Ալեքսան Օրդյանի սերունդները մինչ օրս փնտրում են եղբայրական գերեզմանը, որտեղ կարող են գտնել այն հուշագիրը, որի վրա կլինի նաև Օրդյան ազգանունը:

Նույն տարիներին Հայրենական մեծ պատերազմում զոհվել է նաև Ալեքսան Օրդյանի եղբայրը՝ Սերոբ Օրդյանը: Հայտնի է, որ նա մահացել է Թբիլիսիի հոսպիտալում:

Փաստորեն, երկու եղբայրների ընտանիքներն իրենց մաշկի վրա են զգացել պատերազմի ողջ արհավիրքը: Ալեքսան և Սերոբ Օրդյանները մասնակցեցին Հայրենական մեծ պատերազմին ու զոհվեցին՝ իրենց սերունդներին նվիրելով կյանք և խաղաղություն:

 

 

Գլխավոր թեմաներ