11:23 19 օգոստոսի 2017
Ուղիղ եթեր
Грант Калентерян

Ուսումնասիրություն. Մանկական մահացության ցուցանիշը Հայաստանում նվազել է

© Sputnik/
Հայաստան
Ստանալ կարճ հղումը
42 0 0

Նեոնատալ բժշկության հայկական ասոցիացիան մոնիթորինգ է իրականացրել հայաստանյան մի շարք ծննդատներում, որտեղ գրանցվում է ընդհանուր ծնունդների 76 տոկոսը։ Նպատակն էր` մշակել խնդիրների լուծման ռազմավարությունը։ Թեման Sputnik Արմենիա ռադիոկայանի եթերում մանրամասնել է ասոցիացիայի ղեկավար Հրանտ Կալենտերյանը

ԵՐԵՎԱՆ, 8 մայիսի-Sputnik. Ուսումնասիրության արդյունքները գոհացուցիչ էին այն իմաստով, որ նվազել է մայրական ու մանկական մահացության ցուցանիշը, հայտնեց Նեոնատալ բժշկության հայկական ասոցիացիայի ղեկավար, ՀՀ ԱՆ մանկական գլխավոր ռեանիմատոլոգ Հրանտ Կալենտերյանը։

«Եթե 2007 թվականին մանկական մահացությունը կազմում էր 1000 երեխայի հաշվով 11 պրոմիլ, ապա 2011 թվականին` 7.6»,- նշեց նա։

Նրա խոսքով` պատճառն այն է, որ առողջապահության նախարարությունը «ջայլամի քաղաքականություն» չի վարում և խնդիրներին նայելով բաց աչքերով` փորձում է դրանց համարժեք լուծում տալ։

«Տարիներ առաջ պատկերն այլ էր, սահմռկեցուցիչ. ծննդատներ կային, որտեղ բացակայում էր ջերմաչափը կամ ջեռուցումը։ Այսօր հիմնական ծննդատները լիարժեք ապահովված են անհրաժեշտ սարքավորումներով։ Արվում են մանկական մահացության ցուցանիշները նվազեցնող կոնկրետ գործողություններ»,-ասաց Հրանտ Կալենտերյանը։

Օրինակ` այսօր Հայաստանում ծնված ամեն անհաս երեխա պարբերաբար հետազոտվում է։ Դա թույլ է տալիս խուսափել հետագա բարդացումներից։ Չնայած գխավոր ռեանիմատոլոգը չթաքցրեց, որ որոշ ծնողներ չեն ուզում ընդունել իրականությունն ու խուսափում են պահանջվող վիրահատություններից։

«Կան ծնողներ, որ ասում են` փոքրիկ երեխա է, ինչ վիրահատություն։ Այդ դեպքում երեխաներ կան, որ անդառնալիորեն կուրանում են։ Մինչդեռ լազերային վիրահատություն կատարելով` ունենում ենք 80-84 տոկոս հաջողություն»,-ասաց զրուցակիցը։

Նա ավելացրեց, որ այսօր Հայաստանում մանկական մահացության հիմնական ցուցանիշները գրանցվում են մինչև 7 օրական երեխաների շրջանում, որոնք բնածին արատ ունեն։

Բարեբախտաբար, ավելի մեծ տարիքի երեխաների մահացության ցուցանիշը խիստ նվազել է։

 

 

 

Գլխավոր թեմաներ