ԵՐԵՎԱՆ, 31 հուլիսի — Sputnik. 1in.am-ին հաջողվել է զրուցել «Սասնա ծռեր» խմբի անդամ Վարուժան Ավետիսյանի հետ, և նա մանրամասներ է ներկայացրել հուլիսի 30-ին Ոստիկանության պարեկապահակային ծառայության գնդի տարածքում տեղի ունեցած սպանության վերաբերյալ:
«Տվյալ վայրը մեզ համար տեսանելի չէ, ամենայն հավանականությամբ, նա սպանվել է հենց իրենց աջուձախ արձակած դիպուկահարի կրակոցից: Չեմ ուզում ասել՝ միտումնավոր, բայց որ մեր կողմից չի եղել, վստահեցնում եմ»,- ընդգծել է Ավետիսյանը:
Նա ասել է նաև, որ իրենք պատանդի կարգավիճակում չեն պահել բժիշկներին, նրանց նկատմամբ հսկողություն չի եղել և թույլատրել են ցանկացած պահին հեռանալ: «Եվ երեկ մեր ժամապահը նկատեց, որ վերջում մնացած երկու բժիշկներն էլ իրենց կամքով հեռացան: Մենք ասել էինք՝ ձեր խղճին կմնաք, թե որ որոշեցին գնան. Աստված իրենց հետ: Նրանք այստեղ հատուկ հսկողության տակ չեն եղել»,- եզրափակել է Ավետիսյանը:
