17:40 19 սեպտեմբերի 2017
Ուղիղ եթեր
Պավլիկ Մանուկյան

Պավլիկ Մանուկյանին 2 ամսով կալանավորեցին

© Sputnik/ Asatur Yesayants
Հայաստան
Ստանալ կարճ հղումը
64 0 0

«Սասնա ծռերի» անդամ Պավլիկ Մանուկյանն այսօր` հուլիսի 31-ին, երկու ամսով կալանավորվեց:

ԵՐԵՎԱՆ, 31 հուլիսի — Sputnik. Պավլիկ Մանուկյանի կալանավորման մասին լուրը լրագրողներին հայտնեց նրա փաստաբան Ինեսա Պետրոսյանը` նշելով, որ դատարանը բավարարել է նախաքննական մարմնի միջնորդությունը:

Պավլիկ Մանուկյանը «Էրեբունի» հիվանդանոցից դատարան էր տեղափոխվել «Շտապօգնության» մեքենայով: Նրան դատարանից տեղափոխել են «Դատապարյալների հիվանդանոց» ՔԿՀ։

Ըստ ոստիկանության հաղորդագրության՝ Պավլիկ Մանուկյանը և նրա որդին ոտքերի հատվածում հրազենային վիրավորում են ստացել ՊՊԾ գնդում տեղի ունեցած փոխհրաձգության հետևանքով։ Հուլիսի 27-ին Պավլիկ Մանուկյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասով, որը սահմանում է շենքեր, շինություններ, տրանսպորտի, հաղորդակցության կամ կապի միջոցներ զավթելը և 235-րդ հոդվածով` ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը։

Ըստ մեղադրանքի` մի դեպքում նախատեսվում է 6-12, մյուս դեպքում 3-8 տարվա ազատազրկում:

 

 

Գլխավոր թեմաներ