ԵՐԵՎԱՆ, 31 հուլիսի — Sputnik. «Սասնա ծռերի» անդամ Արմեն Լամբարյանի վիճակն օրեցօր կայունանում և լավանում է, գիտակցությունը տեղն է։ Այս մասին, այսօր՝ հուլիսի 31-ին, լրագրողների հետ զրույցում նշել է «Էրեբունի» ԲԿ-ի տնօրեն Միքայել Մանուկյանը։
«Այսօր առավոտյան համայցի ժամանակ անձամբ նրա հետ զրուցել եմ, տվյալ պահին վերքը մշակվել է, և բժիշկները դրական դինամիկա են տեսնում։ Ստանում է համապատասխան բուժում»,-ասաց նա։
Ավելի վաղ «Սասնա ծռեր» խմբավորման ֆեյբուքյան էջում տեղեկություն էր տարածվել, թե ՊՊԾ խմբից հիվանդանոց տեղափոխված Արմեն Լամբարյանը ընկել է կոմայի մեջ, և որ շուտով փաստաբանը կայցելի նրան:
