03:24 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Երևան

ՀԿ-ները փորձելու են խնդիրները լուծել առանց զենքի

© Sputnik / Asatur Yesayants
Հայաստան
Ստանալ կարճ հղումը
25 0 0

Հասարակական կազմակերպությունները միավորում են ուժերը՝ բացառապես խաղաղ ճանապարհով երկրում ցանկալի փոփոխություններ իրականացնելու համար: Նրանք իրենց անելիքները ներկայացրել են ստորագրված համագործակցության հուշագրում:

ԵՐԵՎԱՆ, 5 օգոստոսի — Sputnik. Հայաստանում ստեղծված բարոյահոգեբանական ու սոցիալ-տնտեսական ճգնաժամին ավելացել է նաև քաղաքականը:

Հասարակությունը դեգրադացվում է, պետական իշխանությունն ընդունակ չէ խնդիրները լուծելու, իսկ քաղաքական ուժերը զբաղված են բացառապես իշխանության հասնելու մրցավազքով:

Հայաստանյան ներկա իրավիճակն այսօր այդ կերպ բնութագրեցին մի շարք հասարակական կազմակերպությունների ներկայացուցիչներ, որոնք որոշել են սեփական ուժերով լուծել երկրում կուտակված խնդիրները:

«Մենք ձգտում ենք, որ այն ամենը, ինչի համար պայքարում ենք փողոցներում, թողնեն, որ անենք: Իրականացնենք մեր տնտեսական ծրագրերը, արհմիություններ ստեղծենք»,- ասում է «Հայաստանի ձեռներեցների կոնֆեդերացիա» իրավաբանական անձանց միության նախագահ Տիգրան Հովհանիսյանը՝ հավելելով, որ նման օգնության կարիքն այսօր առավելապես ունեն նաև հայրենիքի նվիրյալ ազատամարտիկները։

«1990 թ.-ից ես զբաղվել եմ ազատամարտիկների սոցիալական հարցերով, և այդ տարիներից ի վեր ինձ համար շատ դժվար է եղել ազատամարտիկ- պետություն կապի բացակայության պատճառով։ Իսկական նվիրյալի, իրական ազատամարտիկի արժեքը շատ ցածր է»,- ասաց «Հայդուկ» հայրենասիրական-բարեգործական կազմակերպության փոխնախագահ Սեյրան Չիլինգարյանը:

Այս իրավիճակից ելք առաջարկելու, կուտակված հարցերը սեփական ուժերով լուծելու համար հասարակական երեք կառույցները համագործակցության հուշագիր են ստորագրել իրենց զինակից ընկեր ազատամարտիկներին աջակցելու նպատակով:

Ծրագիրը, «Իրավաբանների ու հոգեբանների միջազգային ասոցիացիա» ՀԿ-ի նախագահ Խաչատուր Մարոզյանի խոսքով, ներառում է ոչ միայն նյութական, այլև իրավաբանական աջակցություն, հատկապես՝ մանր ու միջին ձեռներեցությամբ զբաղվող ազատամարտիկների համար:

«Օրենսդրական դաշտում այսօր ամբողջ համակարգը հարմարեցված է օլիգարխների շահերի սպասարկմանը: Մենք այնպիսի ընթացքի մեջ ենք հայտնվել, որ օլիգարխը ծնում է իշխանություն, իշխանությունը ծնում է օլիգարխ: Պետք է կարողանանք հասարակական այնպիսի մոտեցումներ մշակենք, որ ժողովրդի ցանկություններն իրականացնենք»,- ասաց Խաչատուր Մարոզյանը:

Նախաձեռնության հեղինակները պատկերացնում են իրենց գաղափարների իրագործման ուղին և հուսով են, որ նախաձեռնությանը կմիանան այլ հասարակական կազմակերպություններ ու անհատներ։

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    314
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    160
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    220