03:22 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Վերնիսաժ

Կրքեր Վերնիսաժի շուրջ

© Sputnik / Laura Sarkisyan
Հայաստան
Ստանալ կարճ հղումը
7910

Վերնիսաժի շուրջ թեժ կրքեր են բորբոքվել։ Այնտեղ աշխատող մարդիկ վախենում են կորցնել ոչ միայն իրենց տեղն արևի տակ, այլ զրկվել նաև հանապազօրյա հացից։

Լաուրա Սարգսյան, Sputnik.

Ամեն ինչ սկսվել է նրանից, որ Վերնիսաժի, որը Երևանի ամենակոլորիտային վայրերից մեկն է, սեփականատերերը որոշել են ապամոնտաժել այն. «պահպանել հինը և, միևնույն ժամանակ, նրան նոր շունչ հաղորդել»։

Վերնիսաժի հեքիաթը, սակայն, բախվեց դառը իրականությանը։ Այստեղ արդեն 25 տարի աշխատող մարդկանց համար Վերնիսաժը ոչ միայն ազգային արվեստի կենտրոն է, այլև երկրորդ տուն։ Ստույգ հայտնի չէ, թե քանի մարդ է աշխատում Վերնիսաժում։

Ասում են, ավելի քան 300, որից 30-ը զբաղվում է ձեռագործությամբ։ Այդ մարդիկ հիմա վախենում են անօթևան մնալ։ Բանն այն է, որ ձեռագործ իրերը վաճառվում են Վերնիսաժի սկզբնական մասում (Հանրապետության հրապարակի կողմից)։

«Մեզ նոր տարածքներ են խոստացել, որոնց համար պետք է նախկինի չափ վճարեինք, սակայն այսօր, երբ շինարարությունն ավարտին է մոտենում, մեկ քառակուսի մետրի արժեքը բարձրացել է 10 անգամ»,- Sputnik Արմենիայի թղթակցի հետ զրույցում ասաց Վերնիսաժի աշխատող Ջուլիետա Ավետիսյանը։ Նրա խոսքով, եթե նախկին մեկ քմ-ի համար վճարում էին 100 դրամ, ապա հիմա պետք է վճարեն 1000 դրամ։ Վերնիսաժի աշխատողներին պահանջվում է 3-5 մետր։

«Նրանք մոռանում են, որ մենք ձեռագործ աշխատանք ենք վաճառում։ Ես մեկ ամիս աշխատում եմ երեք մետր երկարությամբ թանկարժեք սփռոցի վրա և լավագույն դեպքում վաճառում 50 000 դրամով», — ասաց Ավետիսյանը։

Նա կարծում է, որ եթե սակագնային քաղաքականությունը չփոխվի, ստիպված կլինի ամսական վճարել 90 000 դրամ կամ ընդհանրապես հրաժարվել աշխատանքից։

Բացի այդ, մարդիկ պահանջում են պահպանել Վերնիսաժի կոլորիտը, որը արհեստավորների և արվեստագետների յուրահատուկ կենտրոն է։

Նրանց աջակցում է Հայաստանի Հանրային խորհրդի մշակույթի ենթահանձնաժողովի նախագահ Գագիկ Մանասյանը։

«Մենք ցանկանում ենք, որ Վերնիսաժն առաջվա նման հետաքրքիր վայր լինի, որտեղ հավաքվում են արվեստի վարպետներ, հմուտ արհեստավորներ, այլ ոչ թե սոսկ առևտրի կետ դառնա բաց երկնքի տակ»,- ասաց Մանասյանը։

Նրա կարծիքով` Վերնիսաժը վաղուց կորցրել է իր իրական դեմքը, և քաղաքապետարանը պետք է լրջորեն զբաղվի այդ հարցով։

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    313
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    160
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    220