ԵՐԵՎԱՆ, 9 օգոստոսի — Sputnik. «Կամխուդ» զորավարժարանում մեկնարկած զորավարժության ժամանակ զինծառայողները փորձարկելու են ռադիոէլեկտրոնային պայքարի (ՌԷՊ) մասնագետների մշակած «Ինֆաունա» համակարգը։
«Ավելի քան 100 զինծառայող դաշտային պարապմունքների ընթացքում կուսումնասիրեն ռադիոէլկետրոնային դիմակայման ժամանակակից միջոցները շոգ կլիմայական պայմաններում։ Գործնական պարապմունքների ընթացքում ՌԷՊ մասնագետները մանրամասն կուսումնասիրեն «Ինֆաունա» համակարգի կիրառման կարգը»,- նշված է հաղորդագրության մեջ։
«Ինֆաունա» ՌԷՊ կայանը նախատեսված է գերկարճալիք տիրույթի ռադիոկապի ճնշման, ինչպես նաև է ռադիոկառավարվող պայթուցիկների և հակատանկային միջոցների նշանառման համակարգերի խափանման համար։ Կայանը հավաքած է ԲՏՌ-80 զրահապատ փոխադրիչի վրա։
Ռուսաստանի ԶՈւ Հարավային ռազմական օկրուգի մեջ մտնող 102-րդ ռազմակայանը Գյումրիում է տեղակայվել 1995 թվականին Հայաստանի ու Ռուսաստանի միջպետական համաձայնագրով: Ռազմակայանը հագեցած է «Սմերչ» համազարկային կրակի ռեակտիվ համակարգերով, զենիթահրթիռային «Բուկ», «Ստրելա-10» և Ս-300Վ համակարգերով ու համալիրներով, «Կոնկուրս» հակատանկային համալիրով, «Գռադ» համազարկային կրակի ռեակտիվ կայաններով, 2Ս1 «Գվոզդիկա» ինքնագնաց հաուբիցներով, ԲՄՊ-2 հետևակի մարտական մեքենաներով և Տ-72Բ տանկերով:
