11:31 19 օգոստոսի 2017
Ուղիղ եթեր
Արյան հետազոտություն

Հեմոֆիլիա. ախտորոշում, որը չբուժելու դեպքում վերածվում է դատավճռի

AP Photo/Moises Castillo
Հայաստան
Ստանալ կարճ հղումը
232 0 0

Հայաստանում հեմոֆիլիայի բուժումն իրականացվում է պետպատվերի շրջանակներում, բայց դեղորայքը հասնում է ոչ բոլորին՝ դառնալով անդառնալի հետևանքների առաջացման պատճառ:

ԵՐԵՎԱՆ, 2 սեպտեմբերի — Sputnik. Հասարակ պատռվածքը կարող է արյան մակարդելիության խանգարում (հեմոֆիլիա) ունեցող մարդու մահվան պատճառ դառնալ:
Դարեր շարունակ մարդիկ մահացել են չդադարող արնահոսությունից՝ չհասկանալով դրա պատճառը:

Այսօր հեմոֆիլիան այլևս դատավճիռ չէ, համապատասխան դեղորայքի շնորհիվ հեմոֆիլիայով հիվանդ մարդը կարող է ապրել առանց արնահոսության ու մահվան վտանգի, հատկապես՝ հիվանդության վաղ հայտնաբերման դեպքում:

«Ցավոք, այդ դեղորայքը Հայաստանում չի բավարարում»,- Sputnik Արմենիայի հետ զրույցում ասաց Արյունաբանական կենտրոնի տնօրեն Սմբատ Դաղբաշյանը՝ հավելելով, որ թեև հիվանդությունն ընդգրկված է պետպատվերի համակարգում, առողջապահության նախարարության տրամադրած դեղորայքը բավարարում է միայն հիվանդության առավել սուր վիճակում գտնվող հիվանդներին:

Ինչ վերաբերում է առավել վաղ շրջանում գտնվողներին, նրանց հիվանդության կանխարգելման ու հետագա բարդություններից զերծ պահելու համար անհրաժեշտ դեղորայքն Արյունաբանության կենտրոնը ստանում է Հեմոֆիլիայի համաշխարհային ֆեդերացիայից՝ որպես նվիրատվություն:

Центр крови ФМБА России
© Sputnik/ Владимир Астапкович

Հայաստանում այսօր հեմոֆիլիայով հիվանդ 234 մարդ է հաշվառված, որից 54-ը երեխաներ են: Տարեկան այս վիճակագրությունն ավելանում է նոր բացահայտվող ևս 6-8 դեպքերով:
Ցավոք, այս իրավիճակում արյունաբանության կենտրոնի մասնագետները հնարավորություն չեն ունենում վաղ կանխարգելիչ բուժման ենթարկել հիվանդներին, ինչն էլ հետագա բարդությունների առիթ է դառնում:

«Եթե այդ երեխաներն արնահոսում են, նրանց հոդերում ի հայտ են գալիս անդառնալի փոփոխություններ, նրանք այլևս չեն կարողանում քայլել և դառնում են հաշմանդամներ»,- ասաց Սմբատ Դաղբաշյանը՝ հավելելով, որ Հայաստանում դեղորայքի բացակայության հետևանքով հաշմանդամ են դառնում հիվանդների 60-80 տոկոսը:

Семинары на тему лечения Гемофилии. Смбат Дагбашян
© Sputnik/ Asatur Yesayants
Սմբատ Դաղբաշյան

Մեկ հիվանդի բուժման տարեկան բյուջեն շուրջ 50 000-60 000 դոլար է: Անհրաժեշտ ֆինանսավորման ու դեղորայքի բացակայության պարագայում հայ մասնագետները ներարկման համար անհրաժեշտ արյան ֆակտորներ են ստանում նաև դոնորական արյան պլազմայից: Եվ, այդուհանդերձ, հեմոֆիլիայի բուժումը Հայաստանում դեռևս անհամեմատելի է զարգացած երկրներում կիրառվող բուժման հետ:

Խնդրի լուծման նպատակով այս օրերին Երևանում անցկացվում է Հեմոֆիլիայի բուժմանը նվիրված միջազգային սեմինար:

Սեմինարին մասնակցող համաշխարհային մասնագետներն արդեն այցելել են Արյունաբանության կենտրոն, ծանոթացել հայաստանյան իրավիճակին, կենտրոնի տնօրենի խոսքով, խոստացել են մեր երկրին հատկացնել ևս 1 մլն հեմոֆիլիայի ֆակտոր, ինչը, մեր զրուցակցի համոզմամբ, թույլ կտա կանխարգելիչ բուժում իրականացնել նոր բացահայտված հիվանդ երեխաների մոտ՝ նրանց զերծ պահելով անուղղելի հետևանքներից:

Семинары на тему лечения Гемофилии
© Sputnik/ Asatur Yesayants
Հեմոֆիլիայի բուժմանը նվիրված սեմինար

Գլխավոր թեմաներ