ԵՐԵՎԱՆ, 11 սեպտեմբերի — Sputnik. Հայաստանի, Բելառուսի և Ղազախստանի պաշտպանության նախարարությունները ստացել են «Բանակ 2016» համաժողովի գլխավոր մրցանակը: Այս մասին հայտնում է ՌԴ ՊՆ-ի մամուլի ծառայությունը:
«Պաշտպանության նախարարի հանձնարարությամբ շնորհակալություն եմ հայտնում արդյունավետ աշխատանքի համար և մաղթում նորանոր հաջողություններ: Հրավիրում եմ ձեզ մասնակցելու հաջորդ համաժողովին»,- ասել է ՌԴ պաշտպանության նախարարի առաջին տեղակալ Ռուսլան Ցալիկովը պարգևները հանձնելիս:
Բացի այդ, համաժողովի նախապատրասման մեջ ունեցած ավանդի համար պարգաև է ստացել «Վոենտորգ» ԲԸ-ն, Ռուսաստանի ԶՈՒ սպառազինության և տեխնիկայի ստեղծման ձեռքբերումների համար՝ Ա. Ռասպլետինի անվան «Ալմազ» ՀԿ-ն, իսկ «Ցուցադրական ներկայացում» անվանակարգում պարգևատրվել է «Ուրալվագոնզավոդը»:
Սեպտեմբերի 6-11-ն անցկացված «Բանակ 2016» միջազգային ռազմատեխնիկական համաժողովն ավելի քան կեսմիլիոն այցելու է ունեցել: Միջոցառումը կազմակերպվել է «Պատրիոտ» այգում, «Ալաբինո» զորավարժարանում և մերձմոսկովյան Կուբինկա օդանավակայանում:
