01:09 25 սեպտեմբերի 2017
Ուղիղ եթեր
Սոցիալական ցանց

Facebook-ն ու Twitter–ը կպայքարեն կեղծ տեղեկատվության դեմ

© Sputnik/ Наталья Селиверстова
Հայաստան
Ստանալ կարճ հղումը
32 0 0

Facebook, Twitter սոցցանցերն, ինչպես նաև որոշ լրատվական կազմակերպություններ, միացել են ԶԼՄ–ների գործընկերային ցանցին, որը մտադիր է պայքարել կեղծ տեղեկատվության դեմ և ձգտել հասնելու սոցցանցերում նորությունների որակի բարձրացմանը։

ԵՐԵՎԱՆ, 14 սեպտեմբերի — Sputnik. Google ընկերության կողմից ֆինանսավորվող First Draft News նախագիծը հայտարարել է գործընկերային ցանցի ստեղծման մասին, որը կմիավորի ավելի քան 20 ընկերության, այդ թվում` New York Times, Washington Post, Telegraph, Le Monde, CNN և Al Jazeera հեռուստաալիքները, Ֆրանս Փրես գործակալությունը, ինչպես նաև Amnesty International իրավապաշտպաններին և American Press Institute ոչ առևտրային կազմակերպությանը։

«Ցանցի յուրաքանչյուր գործընկեր պարտավորվում է փոխանակել տեղեկատվություն, զարգացնել քաղաքականությունը և լրագրողների համար թրեյնինգներ մշակել սոցցանցերի որոնման ու նորությունների հրապարակման համար օգտագործելու նպատակով», — հայտնել է նախագծի տնօրեն Ջենի Սարջենթը։

Նրա խոսքով, այսօր ցանկացած ոք տեղեկատվության պոտենցիալ աղբյուր է, այդ իսկ պատճառով անհրաժեշտ է բարձրացնել սոցցանցերում հրապարակվող լրատվական նյութերի որակը։

First Draft նախագիծը ստեղծվել է անցյալ տարի Google News Lab-ի աջակցմամբ և YouTube-ի հետ մասնակցել է օգտատերերի հրապարակված տեսանյութերի ֆիլտրման գործընթացին։

Գլխավոր թեմաներ