ԵՐԵՎԱՆ, 16 հոկտեմբերի — Sputnik. Արտակարգ իրավիճակների նախարարությունն իր պաշտոնական կայքի միջոցով հորդորում է առաջիկա օրերին բացառապես ձմեռային անվադողերով երթևեկել Լոռու, Տավուշի, Սյունիքի մարզերում և Արցախում։
Հոկտեմբերի 17-19-ը մարզերի մեծ մասում, հատկապես լեռնային գոտիներում, սպասվում են տեղումներ։ Լոռու, Տավուշի, Սյունիքի և Արցախի նախալեռնային հատվածներում ձյուն կտեղա։
Հանրապետության տարածքում Հոկտեմբերի 16-ին, 20-ին սպասվում է առանց տեղումների եղանակ:
Օդի ջերմաստիճանը հոկտեմբերի 17-18-ը աստիճանաբար կնվազի 8-10 աստիճանով, Լոռիում, Տավուշում, Սյունիքում և Արցախում՝ 15-20 աստիճանով:
Հոկտեմբերի 20-ի ցերեկը ջերմաստիճանը կբարձրանա 2-3, Լոռիում, Տավուշում, Սյունիքում և Արցախում՝ 6-8 աստիճանով:
Երևանում հոկտեմբերի 16-ին և 20-ին սպասվում է առանց տեղումների եղանակ, 17-19-ին կտեղա թույլ անձրև:
