07:39 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Հայաստան
Ստանալ կարճ հղումը
31 0 0

Գերմանացի պատմաբան, «Հայոց ցեղասպանություն» գրքի հեղինակ Մայքլ Հեսեմանը Sputnik Արմենիային տված հարցազրույցում պատմեց, որ Հայաստանը պետք է զարգացնի զբոսաշրջությունը և նշեց, թե որ ուղղությամբ:

ԵՐԵՎԱՆ, 23 հոկտեմբերի — Sputnik, Անի Լիպարիտյան. Հայաստանի հիմնական հաղթաթուղթը զբոսաշրջության զարգացումն է: Հենց դա կարող է լինել Արևմուտքի հետ համագործակցության հեռանկարը, Sputnik Արմենիային տված հարցազրույցում ասաց գերմանացի պատմաբան, «Հայոց ցեղասպանության» գրքի հեղինակ Մայքլ Հեսեմանը:

Նրա խոսքով՝ Արևմտյան Եվրոպան ամենալավ գործընկերն է զբոսաշրջության առումով:

«Օտարերկրյա զբոսաշրջիկները սիրում են բացահայտել այնպիսի հեռավոր երկրներ, որոնք հնագույն պատմություն ունեն: Օրինակ՝ Ռուսաստանը վաղուց հասանելի է Եվրոպայի համար, իսկ Հայաստանը՝ ոչ», — ասաց Հեսեմանը:

Պատմաբանը համոզված է, որ Հայաստանը, որպես զարգացող երկիր, քաղաքական ասպեկտում պետք է կողմնորոշվի, թե որտեղ են քաղաքական դաշնակիցները, որտեղ՝ հակառակորդները:

«Հայաստանը սահմանակից է երկու, մեղմ ասած, ոչ բարեկամական երկրների՝ Ադրբեջանի և Թուրքիայի հետ, և դա նորություն չէ: Իսկ ինչ վերաբերում է Ռուսաստանի հետ միությանը, ապա Հայաստանը պետք է կողմնորոշվի, թե ինչպիսին պետք է լինի այդ համագործակցությունը, որովհետև բոլորին հայտնի է, որ Թուրքիան ՆԱՏՕ-ի դաշնակիցն է, ուստի ավելի լավ է նրա պես հակառակորդ չունենալ», — ասաց նա:

Հեսեմանի կարծիքով՝ Հայաստանի իրական գործընկերներից մեկը Ֆրանսիան է, ինչի մասին վկայում է Ֆրանսիայի Սենատի կողմից Հայոց ցեղասպանության ժխտումը քրեականացնելու օրինագիծը:

«Ֆրանսիան Հայաստանի համար կարող է հիմք հանդիսանալ Արևմուտքի հետ բարեկամական հարաբերություններ կառուցելու համար: Պետք է նշել նաև, որ Ռուսաստանը՝ որպես քրիստոնյա երկիր, Հայաստանի դաշնակիցն է, ինչը չի կարելի թերագնահատել: Եվրոպայի պատմությունը ցույց է տալիս, որ այն կարող է հուսալի դաշնակից լինել», — ասաց պատմաբանը:

Պատասխանելով այն հարցին, թե ինչ կփոխվի Գերմանիայի կողմից Հայոց ցեղասպանությունը ճանաչելուց հետո, Հեսեմանն ասաց. «Գերմանիայի ճանաչումը մեծ արձագանք է գտել: Հաջորդ քայլը կարող է լինել Ֆրանսիայի քաղաքականությանը հետևելը, որը Հայոց ցեղասպանության ժխտումը քրեականացնելու մասին օրինագիծ է ընդունել»:

«Հոլոքոսթի հերքումը նույնպես քրեորեն հետապնդելի է: Ճիշտ կլիներ, եթե Գերմանիան ևս հետևեր այդ օրինակին: Բայց, իհարկե, Գերմանիան դեռ հեռու է դրանից», — ասաց Հեսեմանը:

Պատմաբանն ավելացրեց, որ Գերմանիայում ավելի քան 8 միլիոն թուրք է բնակվում (նրանցից շուրջ 3 միլիոնը՝ անօրինական), և այդ թվերը շատ խոսուն են: Իսկ ահա Գերմանիայի կանցլեր Անգելա Մերկելի վերաբերմունքը Հայաստանի նկատմամբ լիովին չեզոք է:

Գլխավոր թեմաներ