ԵՐԵՎԱՆ, 4 նոյեմբերի — Sputnik. Նոյեմբերի 4-ին տեղի կունենա Երևանի պետական բժշկական համալսարանի հոգաբարձուների խորհրդի նիստ, որի ժամանակ կքննարկվեն մի շարք հարցեր, այդ թվում` բուհի ռեկտորին փոխելու հարցը:
Ըստ Sputnik Արմենիայի տեղեկությունների` բուհի ներկայիս ռեկտոր Միքայել Նարիմանյանի տեղը կզբաղեցնի առողջապահության նախկին նախարար Արմեն Մուրադյանը:
Նարիմանյանը կշարունակի դասախոսական գործունեությունը ընտանեկան բժշկության ամբիոնի վարիչի պաշտոնում, նա ամբիոնի ղեկավարն է արդեն 14 տարի։
Ենթադրվում է, որ բուհի ռեկտորի փոփոխության հարցը կարող է կապված լինել «Ժողովուրդ» օրաթերթի՝ օրերս հայտնած այն տեղեկության հետ, որ բժշկական համալսարանը 2012-2015 թվականների ընթացքում ահռելի վարկային միջոցներ է ներգրավել:
