01:13 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Հայաստան
Ստանալ կարճ հղումը
14904

Պաշտպանության նախարար Վիգեն Սարգսյանի ներկայացրած «ՀՀ պաշտպանության ժամանակ զինծառայողների առողջությանը կամ կյանքի վնասի փոխհատուցման մասին» օրինագծը հավանության արժանացավ կառավարության նիստի ժամանակ։

ԵՐԵՎԱՆ, 10 նոյեմբերի-Sputnik. Մարտական հերթապահության կամ մարտական պայմաններում զոհված սպաների ընտանիքները կստանան միանվագ 10 միլիոն դրամ և ամսական 300 հազար դրամ։

«Զոհվածների եւ 1-ին խմբի հաշմանդամություն ստացած զինծառայողների ընտանիքները միանվագ կստանան 10 մլն դրամ, 2-րդ խմբի հաշմանդամները՝ 5 մլն, իսկ հետագայում՝ 20 տարվա ընթացքում, կստանան ամսական 300 հազար դրամ: Սպաների համար այդ գումարը կկազմի ամսական 300 հազար դրամ, ենթասպաների համար՝ 250 հազար դրամ, շարքայինների համար՝ 100 հազար դրամ: Այսինքն, սպային կամ նրա ընտանիքին 20 տարի շարունակ կհատկացվի 82 մլն դրամ, ենթասպաներին՝ 70 մլն, շարքայիններին՝ 58 մլն»,-ասաց Սարգսյանը։

Դրամական միջոցները կստանան զինծառայողների ծնողներն ու երեխաները, ինչպես նաև մինչև 23 տարեկան եղբայրներն ու քույրերը։

Նախարարը, հաշվի առնելով, որ 2017 թվականին նախատեսվում է «կոշտ բյուջե», ուստի նշեց, որ բյուջետային միջոցներից փոխհատուցում չի տրվի։ Կհավաքվեն պետության և հասարակության միջոցները մեկ ընդհանուր ֆոնդում։

Յուրաքանչյուր աշխատող քաղաքացի ֆոնդին ամսական հազար դրամ կվճարի: Ֆոնդը կառավարելու են կառավարությունը, ԿԲ-ն եւ հոգաբարձուների խորհուրդը:

Գլխավոր թեմաներ