17:46 23 օգոստոսի 2017
Ուղիղ եթեր
«Նաիրիտ»

ՀՀ կառավարությունը մտադիր է վերագործարկել «Նաիրիտը»

© Wikipedia
Հայաստան
Ստանալ կարճ հղումը
22920

Կառավարությունը մտադիր է վերագործարկել «Նաիրիտը», և այդ նպատակով ՀՀ էներգետիկ ենթակառուցվածքների և բնական պաշարների նախարարությունը մրցույթ է հայտարարել:

ԵՐԵՎԱՆ, 14 նոյեմբերի — Sputnik. ՀՀ էներգետիկ ենթակառուցվածքների և բնական պաշարների նախարարությունը հայտարարել է «Նաիրիտ»գործարանի արտադրական ենթակառուցվածքների վերագործարկման մրցույթ: Նախարարությունը գործարանը վերագործարկող մասնավոր գործընկեր է փնտրում:

Բոլոր այն կազմակերպությունները, որոնք կցանկանան վերագործարկել 1933թ.-ին հիմնադրված և 2010թ-ից չգործող «Նաիրիտը», մրցույթին մասնակցելու հայտ պետք է ներկայացնեն մինչև 2017թ. հունվարի 20-ը։

Նախարարության պաշտոնական հաղորդագրությունը վկայում է, որ հիշյալ նախաձեռնության հիմքում «Նաիրիտ գործարան» ՓԲԸ-ի բաժնետերերի ընդհանուր ժողովի որոշումն է:

Մրցույթին մասնակցելու իրավունք ունեն այն կազմակերպությունները, որոնք վերջին 10 տարում իրականացրել են առնվազն մեկ՝ 60 մլն ԱՄՆ դոլարի համանման ծրագիր, նրանց վերջին 3 տարիների միջին տարեկան հասույթը 100 մլն ԱՄՆ դոլարից պակաս չէ։

Մրցույթի հրավերին զուգահեռ նախարարությունը նաև հիշեցնում է, որ «Jacobs Consultancy» ընկերությունը 2012-2013թթ-ին «Նաիրիտում» ուսումնասիրություններ էր անցկացրել, որոնց համաձայն` բուտադիենի հումքի հիման վրա քլորոպրենային կաուչուկների արտադրության վերագործարկումը կպահանջի շուրջ 160 մլն ԱՄՆ դոլար ՝ 25 հազար տոննա արտադրելու և 216 մլն ԱՄՆ դոլար՝ 35 հազար տոննա արտադրելու համար:

Գլխավոր թեմաներ