ԵՐԵՎԱՆ, 1 դեկտեմբերի-Sputnik. ՀՀ գլխավոր դատախազ Արթուր Դավթյանը պետք է հանդիպի զոհված զինծառայողների ծնողներին։ Սա վարչապետ Կարեն Կարապետյանի հանձնարարականն է։
«Խաղաղ պայմաններում զոհված զինծառայողների ծնողների` վարչապետին հասցեագրած դիմումի լավագույն ընթացքը կհանդիսանա այն, որ գլխավոր դատախազն ընդունի նրանց»,-ասաց վարչապետը։
Քանի որ ծնողների բարձրացրած հարցերը հիմնականում վերաբերում են քրեական գործեր հարուցելուն կամ դրանց ընթացքին, ուստի վարչապետն անհրաժեշտ է համարում, որ անմիջական հանդիպում լինի գլխավոր դատախազի հետ։
Կառավարության ղեկավարն ավելացրեց, որ գլխավոր դատախազին կփոխանցվեն ծնողների կոնտակտային տվյալներն ու գրությունները։
