12:57 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Արմեն Սարգսյան

ԴԱՀԿ-ի մամուլի խոսնակ է նշանակվել Արմեն Սարգսյանը

Из личного архива
Հայաստան
Ստանալ կարճ հղումը
26950

ՀՀ գլխավոր հարկադիր կատարողի ժամանակավոր պաշտոնակատար Արմեն Հարությունյանը հաջողություններ է մաղթել նորանշանակ խոսնակ Արմեն Սարգսյանին:

ԵՐԵՎԱՆ, 14 դեկտեմբերի — Sputnik. Դեկտեմբերի 14-ին Հարկադիր կատարման ծառայությունում տեղի է ունեցել աշխատանքային խորհրդակցություն:

Խորհրդակցության մեկնարկին ՀՀ գլխավոր հարկադիր կատարողի ժամանակավոր պաշտոնակատար Արմեն Հարությունյանը Ծառայության ղեկավար կազմին ու կենտրոնական մարմնի բաժինների պետերին է ներկայացրել Ծառայության նորանշանակ մամլո խոսնակին՝ Արմեն Սարգսյանին, և նրան մաղթել հաջողություններ զբաղեցրած պատասխանատու պաշտոնում:

Արմեն Սարգսյանն ավարտել է ԵՊՀ ժուռնալիստիկայի ֆակուլտետը: 2009 թվականին աշխատել է Հայաստանի Հանրային հեռուստաընկերությունում, որտեղ վարել է «Երկու աստղ» հեռուստաշոուի օրագրերը։ Նույն թվականին եղել է Երևանի քաղաքապետարանի մամլո վարչության գլխավոր մասնագետը։ 2010 — 2016 թթ աշխատել է «Ա-Թի Վի» հեռուստաընկերությունում, որտեղ վարել է «Բրենդ Թայմ» կոմերցիոն հաղորդումը։ 2010 թվականից հիմնել է Էյ Վի Փրոդաքշն պրոդյուսերական կենտրոնը, որը ղեկավարում է մինչ օրս։ Կազմակերպել է բազմաթիվ համերգային երեկոներ, բարեգործական միջոցառումներ, ցուցահանդեսներ, որտեղ եղել է նաև հանդիսավար։

2011 թվականին հեղինակել է «Հայեր» ամսագիրը, որի գլխավոր խմբագիրն է եղել։ 2012 թվականին հեղինակել է հայ մշակութային և հեռուստատեսության գործիչների համացանցային հանրագիտարանը՝ avproduction.am։ Նույն թվականից եղել է «Ա-Թի Վի» հեռուստաընկերությամբ հեռարձակվող «Մեգաինֆո» հաղորդման պրոդյուսերը, 2014 թվականից՝ նաև հաղորդավարը։ 2013 թ. եղել է «Luxury Group» ընկերության գործադիր տնօրենը։ 2015 թ. հեղինակել է «Հայտնի և Անհայտ» մշակութային հաղորդաշարը, որը հեռարձակվել է «Կենտրոն» հեռուստաընկերությամբ։

Որպես ռեժիսոր ու պրոդյուսեր հանդես է եկել Առնո Բաբաջանյանի, Սոս Սարգսյանի, Սվետլանա Գրիգորյանի, Մհեր Մկրտչյանի, Գոհար Գասպարյանի, Էլվինա Մակարյանի, Վանուշ Խանամիրյանի և այլ հայտնի արվեստագետների ֆիլմաշարերում։ Նույն թվականից դասավանդում է «TV իդեալ» հեռուստահաղորդավարների և լրագրողների մասնագիտացված դպրոց-ստուդիայում։

Գլխավոր թեմաներ