10:25 21 օգոստոսի 2017
Ուղիղ եթեր
Մամուլ

Մամուլ. Ինչո՞ւ է Սեյրան Օհանյանը մերժել Սերժ Սարգսյանին

© Sputnik/ Asatur Yesayants
Հայաստան
Ստանալ կարճ հղումը
6101

Ի՞նչ են գրում թերթերը։ Sputnik Արմենիան ներկայացնում է դեկտեմբերի 23–ի մամուլի տեսությունը։

«Ժամանակ». Սեյրան Օհանյանը մերժել է Սերժ Սարգսյանի առաջարկը

«Ժամանակ» թերթը գրում է. «Հայաստանի պաշտպանության նախկին նախարար Սեյրան Օհանյանի՝ նախօրեին տարածած հայտարարությունից հետո Սերժ Սարգսյանը փորձել է հանդիպել նրա հետ։

ՀՀ նախագահի աշխատակազմի ղեկավարը մի քանի անգամ փորձել է կապվել նախկին նախարարի հետ։ Վերջապես հաջողելով խոսել նրա հետ՝ Արմեն Գևորգյանը, սակայն, նախագահի հետ հանդիպման հարցում մերժում է ստացել»:

«Իրատես». Գյումրիում «Հայկական վերածնունդը» ցուցակագրում է մարդկանց. նրանք էլ ճարահատյալ կուլ են տալիս «քաղցր հաբերը»

«Իրատես» թերթը գրում է. «Ասում են, թե Գյումրի քաղաքի «Տեքստիլ» թաղամասում «Հայկական վերածնունդ» կուսակցությունը գրասենյակ է բացել, հրավիրում է տարեց մարդկանց, գրանցում է նրանց տվյալները, խոստանալով «հեչ մի բան»՝ 2017-ին ԽՍՀՄ խնայբանկում նրանց ունեցած ավանդները վերադարձնել մեկը` մեկին։

Քաղաքի եւ շրջակա գյուղերի բնակիչները ճարահատյալ կուլ են տալիս վերածննդական այս քաղցր հաբերը, հաճախ վերջին դրամները ծախսելով հասնում են ՀՎԿ-ի նորաբաց այս գրասենյակը, ցուցակագրվում են եւ հույսով-հավատով վերադառնում իրենց տները։

Հարկ է նշել, որ «Հայկական վերածնունդը» իր գրասենյակը բացել է նախկին սուպերմարկետի տարածքում եւ լայնածավալ գովազդում է իր այս նոր առաքելությունը տեղական «Շանթ» եւ «Ցայգ» հեռուստաալիքներով։

Ամբողջ հարցն այն է, որ ցուցակագրվող բնակչությանն առաջարկվում է խնդրի լուծման միակ տարբերակը, այն է՝ անհրաժեշտ է ընտրել ՀՎԿ-ին, եւ վերջինս, իշխանության գալով, ավանդները կվերադարձնի իրենց օրինական տերերին»:

«Ժամանակ». «Ժառանգություն»-ում խմորումները մոտենում են կարեւոր հանգրվանի. առաջնորդը փոխվում է

«Ժամանակ» թերթը գրում է. «Ժառանգություն» կուսակցությունում խմորումները մոտենում են կարեւոր հանգրվանի։ Կուսակցությունն առաջիկայում գումարելու է համագումար, որի ժամանակ մի քանի կարեւոր կուսակցականներ կհայտարարեն կուսակցության շարքերը լքելու կամ անդամակցությունը կախակայելու մասին։

Արմեն Մարտիրոսյանը, որն այս օրերին Սեյրան Օհանյանի եւ Վարդան Օսկանյանի հետ դաշինք կազմելու շուրջ ակտիվ բանակցությունների մեջ է, ցանկանում է Րաֆֆի Հովհաննիսյանից հետո դառնալ կուսակցության առաջնորդ։ Դեպքերի այսպիսի ընթացքին դեմ է ԱԺ պատգամավոր Զարուհի Փոստանջյանը, որը հայտարարել է, թե կուսակցության՝ ընտրություններին դաշինքով մասնակցելու դեպքում կարող է առհասարակ թողնել քաղաքականությունը։

Չի բացառվում, որ համագումարը կուսակցության ղեկավար ընտրի Արմեն Մարտիրոսյանին, որից հետո Րաֆֆի Հովհաննիսյանն էլ դուրս գա կամ ժամանակավորապես սառեցնի իր գործունեությունը քաղաքականությունից»:

«Հրապարակ». Սեյրան Օհանյանի բնակարանում տեղի է ունեցել ուշագրավ հանդիպում. ակունքներում ԱԱԾ նախկին պետն է

«Հրապարակ» թերթը գրում է. «Մեր տեղեկություններով` 2 շաբաթ առաջ Վահագնի թաղամասում (մինչ կկառուցվի սեփական առանձնատունը) Սեյրան Օհանյանի վարձակալած բնակարանում տեղի է ունեցել հանդիպում, որին մասնակցել են «Համախմբումից» Վարդան Օսկանյանը, «Ժառանգությունից» Արմեն Մարտիրոսյանը, քանի որ Րաֆֆի Հովհաննիսյանը, ինչպես միշտ, մարդկանց հետ շփվում է SMS-ներով, հիմնականում ԱՄՆ-ից:

Քննարկել են հետագա ծրագրերն ու Սեյրան Օհանյանի շուրջ դաշինք ձեւավորելը, որին մաս կկազմի ոչ միայն Վիկտոր Դալլաքյանի կուսակցությունը, ընդ որում, լուրեր կան, որ այդ կուսակցության ակունքներում ՀՀ ԱԱԾ նախկին պետ, այժմ ռուսաստանաբնակ Կառլոս Պետրոսյանն է` Իսպանիայում ՀՀ դեսպան Ավետ Ադոնցի խնամին:

Օհանյանի շուրջ կհավաքվեն նաեւ Ամարասի Արթուրի միությունը, որն արդեն հայտարարությամբ է հանդես եկել, ինչպես նաեւ Սամվել Բաբայանը, որն այս օրերին բանակցում է սպայական-զինվորական շրջանակների եւ բիզնեսմենների հետ:
Խոսակցություն կա, որ այս կամ այն կարգավիճակով վերադառնալու է նաեւ ՀՀ 2-րդ նախագահ Ռ․ Քոչարյանը՝ որպես համակարգող:

Ինչ վերաբերում է Ս․ Սարգսյանին, ապա նա հրահանգ է իջեցրել յուրայիններին` առայժմ հակագրոհի չանցնել: Թեեւ հրաժարականից առաջ Սեյրան Օհանյանին հարց է ուղղել` ի՞նչ միջոցներով է կառուցում Վահագնի թաղամասի դղյակը։ Նա պատասխանել է, որ դրսում ընկեր ունի, ապա մատնացույց է արել այլոց պալատները»:

Գլխավոր թեմաներ