12:57 22 հուլիսի 2018
Ուղիղ եթեր
  • USD480.62
  • GBP625.72
  • EUR560.16
  • RUB7.58
Երևան

Բանկերը վարորդներին տեխզննման կտրոն չեն տալիս

© Sputnik / Asatur Yesayants
Հայաստան
Ստանալ կարճ հղումը
12930

Ամանորը նոր տհաճ անակնկալ է մատուցել վարորդներին: Տոնական օրերին ոստիկանությունը կտուգանի այն վարորդներին, որոնց ավտոմեքենայի տեխզննման ժամկետը սպառվել է, իսկ նոր կտրոն ստանալու փորձերն ապարդյուն են անցել, քանի որ բանկերը վարորդներին տեխզննման կտրոն չեն տալիս:

ԵՐԵՎԱՆ, 31 դեկտեմբերի — Sputnik. Վարորդներն ահազանգում են, որ ոստիկանությունը տուգանում է իրենց` տեխզննման կտրոնի ժամկետը սպառված լինելու հիմքով, իսկ նոր կտրոն ստանալու փորձերն ապարդյուն են: Բանն այն է, որ բանկերում վարորդներին հայտնում են, թե կտրոնների համար նախատեսված ձևաթուղթ չունեն: Տպագրված ձևաթղթերը բոլոր բանկերում սպառվել են, նորերն էլ բանկերը կստանան արդեն Նոր տարուց հետո:

Իսկ վարորդներին շարունակում են տուգանել. ստեղծվել է փակշղթա, որից տուժում է դարձյալ շարքային քաղաքացին:

Sputnik Արմենիան, գնալով վարորդների ահազանգերի հետքերով, պարզեց, որ գործող կարգի համաձայն՝ կտրոնները տպագրում և բանկերին է ուղարկում Ֆինանսների նախարարությունը: Իսկ թե որքան կտրոն պետք է տպագրվի կոնկրետ ժամանակահատվածում, հաշվարկում է Ճանապարհային ոստիկանությունը` կախված նրանից, թե որքան ավտոմեքենայի տեխզննման ժամկետն է ավարտվում, ասենք, մինչև 2016թ-ի դեկտեմբերի 31-ը:

Պետական բոլոր գերատեսչություններն այսօրվանից տոնական արձակուրդում են, միայն Ֆինանսների նախարարի մամուլի քարտուղար Լուսինե Մկրտչյանը պատասխանեց մեր հեռախոսազանգին:

«Ֆինանսների նախարարությունը տպագրում և բանկերին է հանձնում այնքան կտրոն, որքան թիվ ներկայացնում է Ճանապարհային ոստիկանությունը,- հայտնեց նա:

Փաստորեն, ֆինանսների նախարարությունը պատշաճ կարգով կատարել է ՃՈ պատվերը, իսկ թե ոստիկանությունն ինչու է սխալ հաշվարկ արել, կիմանանք, թերևս, արդեն տոներից հետ:

Իսկ տոնական օրերին վարորդներն ստիպված կլինեն շրջել առանց ավտոմեքենայի կամ տուգանք վճարել ոստիկաններին` ոստիկանության սխալի դիմաց:

Գլխավոր թեմաներ