03:08 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Մրգեր

Գյուղնախարարության ճտերն աշնանն են հաշվում

© Sputnik / Асатур Есаянц
Հայաստան
Ստանալ կարճ հղումը
56 0 0

2016թ-ին ՀՀ տնտեսությունն աճ չգրանցեց, իսկ գյուղատնտեսության անկումը հասավ մինչև 30%-ի: Կառավարությունը գյուղատնտեսության անկումը սխալ հաշվարկի արդյունք է համարում, ԱՎԾ-ն հերքում է սխալի հնարավորությունը:

ԵՐԵՎԱՆ, 12 հունվարի – Sputnik. Հայաստանի տնտեսությունը 2016թ-ն ավարտեց զրոյական տնտեսական աճով: Փոխարենը գնաճը սպառողական ապրանքների շուկայում տարվա միայն վերջին ամսին կազմեց 1.1%:

Այս մասին այսօր լրագրողներին հայտնեց ՀՀ ազգային վիճակագրական ծառայության նախագահի խորհրդական Գուրգեն Մարտիրոսյանը:

Ի դեպ, տարվա տնտեսական աճի ակնկալվող ցուցանիշները, ինչպես ավելի վաղ խոստովանել էր ֆինանսների նախարար Վարդան Արամյանը, զրոյացրել էր հատկապես գյուղատնտեսության ոլորտը: Եթե նախկին նախարարի օրոք այս բնագավառում միայն աճ էր գրանցվում, կառավարության փոփոխությունից հետո միայն անկում է գրանցել: Սա հաստատում են նաև պաշտոնական վիճակագրության տվյալները:

«Իհարկե, գյուղատնտեսական արտադրանքի անկում կա: Ընդ որում՝ դա առավել նկատելի է եղել սեպտեմբեր և հոկտեմբեր ամիսներին: 2016թ-ի հունվար-նոյեմբեր ամիսներին, 2015թ-ի նույն ժամանակահատվածի համեմատ, գյուղատնտեսական արտադրանքի ծավալը նվազել է 6.1%-ով»,- ասաց Գուրգեն Մարտիրոսյանը:

Բայց անկումն առավել քան ակնհայտ է եղել հատկապես աշնան ամիսներին. 2016-ի օգոստոսին, նախորդ տարվա օգոստոսի նկատմամբ, գրանցվել էր 9.6, սեպտեմբերին 20, հոկտեմբերին՝ 30%, նոյեմբերին՝ 26.4%-անոց անկում:

Ի դեպ, վիճակագրությունը փաստում է, որ հիմնական անկումը պայմանավորված է մրգի` նախորդ տարվա համեմատ ցածր բերքով:

Թեև ֆինանսների նախարարը հայտարարել էր, որ գյուղարտադրանքի անկումը չի ուղեկցվել գների կտրուկ աճով, սակայն Վիճակագրության ծառայության ներկայացուցիչն այսօր հայտարարեց հակառակը` միրգը հայաստանյան շուկայում թանկացել է:

«Էական աճ կա նախորդ տարվա նույն ժամանակահատվածի համեմատ։ Խնձորը թանկացել է ավելի քան 51%-ով, խաղողը՝ ավելի քան 30%-ով»,- ասաց Գուրգեն Մարտիրոսյանը՝ հրաժարվելով մեկնաբանել, թե ինչու են ԱՎԾ թվերը հակասում ֆինանսների նախարարի հայտարարությանը:

Փոխարենը նա այսօր պաշտոնապես հայտարարեց` ԱՎԾ-ն իր հաշվարկներում չի սխալվել:

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    306
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    158
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    216