23:30 17 հուլիսի 2018
Ուղիղ եթեր
  • USD480.37
  • GBP636.68
  • EUR563.47
  • RUB7.69
Ֆինանսների նախարարություն

Ֆիննախն արձագանքում է ԱՎԾ-ի արձագանքին

© Sputnik / Асатур Есаянц
Հայաստան
Ստանալ կարճ հղումը
41 0 0

ՀՀ ֆինանսների նախարարությունն արձագանքել է Ազգային վիճակագրական ծառայության ներկայացուցչի՝ այսօրվա ասուլիսում հնչեցրած որոշ հայտարարություններին:

ԵՐԵՎԱՆ, 12 հունվարի — Sputnik. ՀՀ ֆինանսների նախարարությունը մեկ անգամ ևս փաստում է՝ գյուղատնտեսության ոլորտում այս տարի կառավարության փոփոխությունից հետո գրանցված անկումը չունի տնտեսագիտական որևէ հիմնավորվածություն:

Մամուլում տեղ են գտել մի շարք հրապարակումներ, որտեղ ֆինանսների նախարարի կողմից տարեվերջյան ասուլիսում հնչեցրած թվային ցուցանիշները և դրա վերաբերյալ մեկնաբանությունները կասկածի տակ են դրվել կամ այլ կերպ են ներկայացվել: Ֆինանսների նախարարությունն այս առումով ևս մեկ անգամ պարզաբանում է.

«Ֆինանսների նախարարի հնչեցրած տնտեսական ակտիվության և տնտեսական զարգացումների ցուցանիշների համար հիմք են հանդիսացել ՀՀ ԱՎԾ պաշտոնական հրապարակումները. այսպես՝ նշվել է, որ գյուղատնտեսության թողարկման ծավալները 2016 թվականի օգոստոսին գրանցել են 9.8 % աճ (օգոստոսը՝ նախորդ տարվա օգոստոսի նկատմամբ), այնուհետև դիտվել են կտրուկ անկումներ. սեպտեմբերը՝ սեպտեմբերի նկատմամբ շուրջ 20 % անկում, հոկտեմբերը՝ հոկտեմբերի նկատմամբ շուրջ 30 % անկում: Ընդ որում նշված միտումների պարագայում նկատվել են նաև գյուղմթերք արտադրողների իրացման գների անկումներ:

Այսպիսի զարգացումը, եթե պայմանավորված լիներ բացառապես տնտեսական գործոններով, ապա հաշվի առնելով գյուղատնտեսության ճյուղի մրցակցային վիճակը և դա հավաստող նախորդ տարիների օրինաչափությունները, պետք է, որ ականատեսը լինեինք ճյուղի թողարկման գների հակառակ միտմանը՝ աճին:

Սակայն գյուղատնտեսության ճյուղում հունվար-նոյեմբեր ամիսներին —6,2 % անկման պարագայում դիտվել է նաև ճյուղի իրացման գների ինդեքսի —2 % անկում, որի համար էլ տնտեսագիտական՝ այդ թվում նաև սեզոնի տեղաշարժով պայմանավորված հիմնավորվածություն հնարավոր չէ ներկայացնել»:

Ստորև ներկայացնում ենք գյուղատնտեսության թողարկման իրական աճի իրացման գների ցուցանիշները 2012-2015թթ համար և 2016 թվականի ամիսների համար (հիմքը՝ ՀՀ ԱՎԾ պաշտոնական տվյալները):

График Министерства Финансов РА
Минфин РА
Գյուղատնտեսության թողարկման իրական աճը և իրացման գների փոփոխությունը 2012-2016թթ

Հիշեցնենք, երբ 2016թ-ին ՀՀ տնտեսությունն աճ չգրանցեց, ֆինանսների նախարար Վարդան Արամյանն իր տարեվերջյան ասուլիսում հայտարարեց, որ պատճառը գյուղատնտեսության գրանցած մինչև 30%-անոց անկումն էր: Կառավարությունը գյուղատնտեսության անկումը սխալ հաշվարկի արդյունք որակեց, իսկ ԱՎԾ նախագահի խորհրդական Գուրգեն Մարտիրոսյանն այսօր լրագրողների հետ հանդիպմանը բացառեց սխալի հնարավորությունը:

График Министерства Финансов РА
Минфин РА
Գյուղատնտեսության թողարկման իրական աճը 2016թ ամիսներին, %, աճողական

Գլխավոր թեմաներ