01:17 25 սեպտեմբերի 2017
Ուղիղ եթեր
Կարեն Կարապետյան

Վարչապետը Գյումրի չգնաց, գյումրեցին էլ նոր կատակ հորինեց

© Sputnik/ Asatur Yesayants
Հայաստան
Ստանալ կարճ հղումը
64510

Գյումրիում այսօր շատերին է մտահոգել այն հարցը, թե ինչո՞ւ ՀՀ վարչապետ Կարեն Կարապետյանը նախապես ի լուր բոլորի հայտարարեց, բայց այդպես էլ Գյումրի չժամանեց:

Արմենուհի Մխոյան, Sputnik.

Հունվարի 27-ին, մինչև վերջին պահը մարզային ու քաղաքային իշխանությունների ներկայացուցիչները՝ մարզպետի ու քաղաքապետի գլխավորությամբ, մտահոգ շրջում էին քաղաքի բոլոր այն տարածքներով ու վայրերով, ուր այցելելու էր վարչապետը: Ամեն ինչ պետք է տեղը-տեղին լիներ, չէ՞ որ Կարապետյանը Գյումրի էր գալիս բարի նպատակով՝ քննարկելու էր Գյումրիում զբոսաշրջության հետ կապված բավական լայնածավալ ծրագիր: Ըստ այդ ծրագրի՝ Գյումրիում զբոսաշրջությունը մեծ թափ պետք է ստանա:

Բարի լեզուները նույնիսկ նշում են, որ վարչապետն իր գրպանից ներդրում է կատարելու՝ քաղաքի պատմական կառույցներից մեկի վերականգնման նպատակով: Գործադիր մարմնի ղեկավարն ավելի վաղ նշել է, որ քաղաքի պատմական կորիզի վերականգնումը հայրաքաղաքի զբոսաշրջությունը խթանելու հնարավորոթյուն կտա:

Ինչևէ, վարչապետը Գյումրի չեկավ, ու գյումրեցին մտահոգվեց՝ չլինի՞ վարչապետը հիվանդացել է, թե՞ պարզապես հայոց բանակի 25-ամյակին ավելի կարևոր է համարել Երևանում լինելը: Պաշտոնական հայտարարություն այդպես էլ չեղավ, ու կատակասեր գյումրեցին եզրակացրեց՝ «Գագիկ Սուրենյանի մատն է խառը»: Տեղումնաբեր ցիկլոն, մեգ ու մառախուղ, հետն էլ ձյունամրրիկ. մարզ բերող մի շարք ճանապարհներ դժվարանցանելի են:

Նույնիսկ հայոց բանակի կազմավորման 25-ամյակի առթիվ նախապես հայտարարած զորահանդեսը Գյումրու «Վարդանանց» հրապարակում տեղի չունեցավ եղանակի պատճառով, ու հենց ցրտի պատճառով Շիրակի կայազորի հակատանկային-հրետանային զորամասի զինվորները չկարողացան ցուցադրել այն հմտություները, որոնք ձեռք են բերել ծառայության ընթացքում:

Ռուս հայտնի գրող Ալեքսանդր Պուշկինի «Ձմեռվա իրիկունը» ասես հենց այս օրերի մասին լինի.

«Հողմը մեգով երկինքն առնում,
Գալարում է բուքը ձյան,
Մին մանկան պես լաց է լինում,
Մին ոռնում է զերթ գազան…»:

Ամեն դեպքում, գյումրեցիներն ասում են՝ մարզպետն ու քաղաքապետը հաջորդ անգամ վարչապետի գալուց առաջ Սուրենյանին են Գյումրի հրավիրելու:

Գլխավոր թեմաներ