ԵՐԵՎԱՆ, 2 փետրվարի — Sputnik. Ռուսաստանի Անվտանգության դաշնային ծառայության սահմանապահ վարչության (ԱԴԾ ՍՎ) աշխատակիցները 2016 թվականին Հայաստանում ձերբակալել են պետական սահմանը խախտած 74 անձի (կեղծ, անվավեր, ուրիշի փաստաթղթեր): Այս մասին հայտնում է Հայաստանում Ռուսաստանի ԱԴԾ-ի ՍՎ-ի մամուլի ծառայությունից:
Ռուս սահմանապահներն արձանագրել են պետական սահմանի ռեժիմի խախտման դեպքեր (սահմանահատման հաստատված կանոնների և կարգի խախտում)` 8 խախտող, ռեժիմային տարածքում (սահմանին մոտ) առանց հաստատված անցաթղթի, առանց վավեր փաստաթղթերի գտնվելու դեպքեր` 29 խախտող:
«Անցակետերով անցել է ավելի քան 2 միլիոն մարդ, ավելի քան 60 հազար տրանսպորտային միջոց, ավելի քան 1000 մարդ անվավեր փաստաթուղթ է ունեցել, պետական սահմանը չի թույլատվել հատել 200 հոգու»,- նշված է հաղորդագրության մեջ։
Գործող օրենսդրության համաձայն՝ կարգը խախտողներին հանձնել են Հայաստանի կառավարությանն առընթեր Ազգային անվտանգության ծառայությանը և Ոստիկանությանը:
