ԵՐԵՎԱՆ, 21 փետրվարի — Sputnik. Մառախուղի և ցածր տեսանելիության պատճառով Երևանի «Զվարթնոց» միջազգային օդանավակայանում մի քանի չվերթ է հետաձգվել: Sputnik Արմենիային մանրամասներ է ներկայացնում ՀՀ քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը։
«Թեհրանից Երևան մեկնող Մահան Էյր ավիաընկերության ինքնաթիռը չէր կարողացել վայրէջք կատարել և հետ էր վերադարձել, հաջորդ չվերթը նախատեսվում է այսօր՝ երեկոյան 21.00-ին: Երևան Մոսկվա չվերթը նախատեսված առավոտյան ժամը 8-ի փոխարեն, իրականացվել է 11.33-ին, Թբիլիսից Երևան ժամանող ինքնաթիռը պետք է թռիչքն իրականացներ 10.20-ին, սակայն կատարել է մի քիչ ուշացումով, հիմա արդեն վայրէջք է կատարել»,- նշեց Հովհաննիսյանը:
Նրա խոսքով` մնացած չվերթներն իրականացվում են բնականոն հունով:
