«Առավոտ». Շտապօգնության մեքենաները վարորդներից ճանապարհ են «մուրում»
Թերթը գրում է, որ Արշակունյաց պողոտայում օրը մի քանի անգամ կարելի է ականատես լինել շտապօգնության մեքենաների, որոնք վարորդներից ուղղակի ճանապարհ են «մուրում»։
«Այս տեսարանը հատկապես օրվա պիկ ժամերին է լինում` մայրաքաղաքի տարբեր փողոցներում։ Անանցանելիության պատճառով շտապօգնության մեքենայի վարորդը, որը ծանր հիվանդ է տեղափոխում կամ շտապում է հիվանդին օգնության, ստիպված է լինում լուսաձայնային ազդանշանը միացրած` խցանման մեջ երկարատև «լռվել»։ Սակայն դրանից իրավիճակը չի փոխվում։ Այս խնդիրն առկա է նաև հրշեջ մեքենաների համար, որոնք նույնպես երթևեկությունը մի կերպ են ճեղքում։
Քաղաքակիրթ երկրներում այս ծառայություններին, կարելի է ասել, «գլխի վրա» են պահում` հաշվի առնելով, թե հասարակության համար նրանք ինչ կարևոր առաքելություն են կատարում։ Նրանց համար առանձնացված գոտում, եթե նույնիսկ ճանապարհն ազատ է, որևէ մեքենա մուտք չի գործում»,- գրում է թերթը։
«Հայկական ժամանակ». Բարիացել են
Ճնապարհային եթևեկության կանոնները խախտելու համար նշանակված տուգանքը քաղաքացու կողմից սահմանված ժամկետում չվճարելու համար 25 և 50 տոկոսի չափով ավելացումների ինստիտուտը կվերանա մինչև այս տավա հուլիսի 1-ը։
«Այդպիսի դրույթ ներառված է «Ճանապարհային ոստիկանության համակարգի բարեփոխումների հայեցակարգում», որի նախագիծը կքննարկվի կառավարության առաջիկա նիստում։ Մինչև 2014 թվականը տուգանքն ուշացնելու դեպքում այն կրկնապատկվում է, ապա եռապատկվում, բայց հանրային դժգոհություննեի պատճառով իշխանությունը հրաժարվեց դրանից։ Հիմա ոստիկանությունը կամովի ոոշել է հրաժարվել նաև 25 և 50 տոկոս ավելացումներից։
Ուշագրավն այն է, որ դա պետք է իրականացվի 2017 թվականի երկրորդ եռամսյակում, ինչը ենթադում է օրենսդրական փոփոխություն։ Դրանից էլ ակնհայտ է դառնում, որ օրենսդրության մեջ համապատասխան փոփոխությունների վերաբերյալ քննարկումները կսկսվեն մինչև խորհրդարանական ընտրությունները և կունենան հանրային դրական արձագանք։ Թերևս այստեղ պետք է փնտրել ոստիկանության` կամովի բարիանալու գաղտնիքը»,- գրում է թերթը։
«Ժամանակ». Հետևում է
ՀՀ երկրորդ նախագահը խոսելու է նախընտրական զագացումների վերաբերյալ։
«Թեև ՀՀ երկրորդ նախագահ Ռոբերտ Քոչարյանի խոսնակն ասել է, որ առաջիկայում Ռոբերտ Քոչարյանը կխոսի նախընտրական ընթացիկ զարգացումների վերաբերյալ, սակայն «Ժամանակ»-ի տեղեկություններով` Քոչարյանի հարցազրույցը սպասվում է մարտի կեսին կամ վերջին` ընտրություններից առաջ։ Մեր տեղեկություններով` ՀՀ երկրորդ նախագահը գտնվում է արտերկրում` ԱՄՆ-ում»,-գրում է թերթը։
«Ժողովուրդ». Սերժ Սարգսյանը մեկնում է Բրյուսել
Սերժ Սարգսյանը պատրաստվում է աշխատանքային այցով մեկնել Բրյուսել։
«Ըստ «Ժողովուրդ» օրաթերթի աղբյուրների՝ Բրյուսելում քննարկումների հիմնական թեման լինելու է Եվրամիության հետ շրջանակային նոր համաձայնագիրը, որը գրեթե պատրաստ է նախաստորագրման, և մի քանի վերջնական հարցերի քննարկումից հետո այն ներկայացվելու է նաև ԵՄ անդամ երկրներին։ Ի դեպ, արդեն նկատելի է, որ այս անգամ ԵՄ-ի հետ փաստաթղթի նախաստորագրմանը դեմ է ՌԴ-ն՝ այն պարզ պատճառով, որ փաստաթուղթն ընդամենը լինելու է բարի ցանկությունների շարան»,- գրում է թերթը։
