23:28 17 հուլիսի 2018
Ուղիղ եթեր
  • USD480.37
  • GBP636.68
  • EUR563.47
  • RUB7.69
Միքայել Մելքումյանը Sputnik Արմենիայի մամուլի կենտրոնում

Միքայել Մելքումյան. Որևէ մեկին թունոտ պիտակավորում չենք տալու

© Sputnik / Aram Nersesyan
Հայաստան
Ստանալ կարճ հղումը
5010

ՀՀ ԱԺ պատգամավոր Միքայել Մելքումյանը խոսել է «Ծառուկյան դաշինքի» ծրագրային դրույթների մասին: Sputnik Արմենիա միջազգային մամուլի կենտրոնում Մելքումյանը հայտնել է, որ գնում են հաղթանակի, որովհետև, նրա համոզմամբ, նշյալ դաշինքին այլընտրանք չկա:

ԵՐԵՎԱՆ, 28 փետրվարի-Sputnik. Որևէ մեկին թունոտ պիտակավորում չի տրվելու, հարգելու են մրցակիցներին, ԱԺ ԲՀԿ խմբակցության պատգամավոր Միքայել Մելքումյանի խոսքով` իրենց նախընտրական պայքարն այդպես է ընթանալու:

«Բոլորին հարգում ենք, բայց տեսնում ենք, որ երկրում քաղաքական մեծամասնության ծրագրերը ձախողվում են, մենք մեր հաղթանակը տեսնում ենք, այդ վեկտորով ենք նայում դրությանը»,- ասաց պատգամավորը:

Մելքումյանն ուղենշեց «Ծառուկյան դաշինքի» ծրագրային դրույթները: Նրա խորին համոզմամբ` երկրում փլուզումն ու արնահոսությունը պետք է կանգնեցնել:

«Պետք է կանգնեցնել արտագաղթը, մարդկանց տալ նորմալ աշխատավարձ: Ֆունդամենտալ փոփոխություն է պետք: Մեր կարգախոսն է`«փոփոխությունների ժամանակն է»»,-ասաց Միքայել Մելքումյանը:

Նա նշեց, որ պարտության մասին չեն մտածում, շարժվում են միայն դեպի հաղթանակ: Միաժամանակ, Մելքումյանի վստահեցմամբ, իրենք իշխանատենչ չեն, իշխանության հասնելու մոլուցքով էլ չեն տառապում:

Միայն թե՝ ավելացրեց, որ եթե կարողանան կառավարությանը պարտադրել իրենց ծրագրային կետերի գոնե մի մասը կատարել, դա արդեն իսկ մեծ ձեռքբերում կլինի: Ծրագրային կետերից էլ նա առանձնացրեց թոշակների բարձրացումը 25 հազար դրամով:

Գլխավոր թեմաներ